「神獸天使」胡中慧有咗7個月 谷爆36E急結婚
2015年07月27日07:00

大家記唔記得大台喺2012年播出?遊戲節目《五覺大戰》入面?一班「神獸天使」呢?一班「神獸天使」包括「講唔猿」白雲、「騰騰雞」蔡慧欣、「蛇蛇Gwer」陳芷尤、「唔持狗」胡中慧仲有「嘴刁雕」劉蔚萱等8人,當中有啲仲喺娛樂圈浮沉緊,有啲就上緊位,有啲就已經淡出娛樂圈嫁人啦,繼白雲之後,胡中慧(Sandy)亦選擇淡出娛樂圈嫁人,做個幸福少奶奶。

胡中慧今年27歲,參選2011年港姐而入行,因為星途發展平平,上年同大台約滿後決定唔再續約,今年年初於悉尼同圈外男友註冊結婚,5月就喺香格里拉延開27席舉行婚宴。據知Sandy係奉子成婚,喺婚紗相中明顯見到Sandy個肚微微隆起,谷爆36E上圍?佢,非常養眼。依家Sandy好享受人妻兼準媽媽?身份,不時更新instagram,大曬巨肚相,估計已經懷孕接近7個月啦。

Sandy 淡出娛樂圈,依家?職業係全職家庭主婦,平時工作就係吃喝玩樂,得閒就去沙灘游水兼曬太陽,又會陪老公去球場打籃球,Sandy老公亦非常鬼馬,將籃球放落自己衣衫內扮大肚,Sandy就笑問﹕「Who has a bigger baby bump 。」不知幾幸福,相信胡中慧之後亦唔會重返娛樂圈,專心相夫教子仲好啦!

關注我們Facebook專頁
    相關新聞
      更多瀏覽