父親節有囝囝按肩 石修冧爆
2015年06月22日07:00

好似好耐都無見過石修同陳宇琛(石仔)呢對父子檔喺TVB拍劇啦,皆因佢哋都過咗檔去HKTV嘛!不過講真呀,今年已經六十有六嘅石修大哥真係keep得好好架!兩人望落去真係似兄弟多過父子!如果噚日兩人唔係亮相父親節活動嘅話……

石修同石仔噚日去咗港台嘅「爸B初體驗」活動,石仔趁住父親節,就肉麻一下,幫爸爸按摩肩膊,真係孝順呀!爸爸石修當然冧爆,一於照單全收咁話:「好難得有呢個機會,都有少少意外,一按已經好舒服,乜煩惱都冇晒。」

而現年已經35歲嘅石仔有無計劃結婚,再生個石B先?咁下年咪有機會三代同堂囉!陳宇琛表示自己都鍾意小朋友,但依家想專注事業先。至於父親節當日,佢就會親自下廚煮返餐好味嘅晚餐孝敬家人,特別係爸爸咁話!

關注我們Facebook專頁
    相關新聞
      更多瀏覽