《大時代》拍電影 保怡想拍 艾威要睇韋家輝
2015年04月30日17:20

無綫於深夜時段翻播《大時代》,深夜收視同點撃率都稱冠,有傳話將會開拍電影版,亦有部分演員心思思出演一角。好似林保怡出席港台節目時都表示有追看《大時代》,如果開拍得成佢表示想做返陳滔滔。

保怡大讚劇集係經典話:「當時92年我都係入咗去兩年,仲係新人,都係好green。依家80、90或00後既人依家睇,可能有時鏡頭顏色黃啲,可能會覺得老土,但其實外照、街景嗰啲好實在。當時去拍嗰間茶餐廳都好似喺度,大家可當歷史劇睇。」佢又自言拍攝時要準備好多先敢埋位,因為對手主要係江毅同劉青雲。

而有份做暗戀玲姐?警察艾威雖然已離開無綫,但就笑自己係冤魂不息,仲話:「有TVB就有我,擺脫唔到我。」佢謂離開大台後就作息正常,故無追看《大時代》。如果開拍《大》電影,佢就問會唔會有韋家輝。艾威仲好肯定咁話:「如果冇佢就失真,佢係最重要?主帥,如果有我自己會報名試鏡。無論係拍續集、或係開電影版,最緊要有佢,得佢先可以諗到咁癲?嘢。」

關注我們Facebook專頁
    相關新聞
      更多瀏覽