周汶錡就生好緊張 Niki:好唔聽話
2015年04月28日10:48

就嚟做媽咪?名模周汶錡(Kathy)已經懷孕7個月,噚日佢為一間美容公司擔任形象指導。見到佢除咗個肚突咗少少外,其他部位都仲係model身形,Kathy話:「今日磅過,重咗13、14磅,胃口都冇變過。醫生話臨生前嗰個月會肥,0依家BB喺肚入面有2磅重,出世正常係6磅,所以仲有4磅未長肉,我諗呢兩個月會澎澎聲漲。」

Kathy又不斷話好緊張,開始驚,好驚入醫院,佢話:「0依家夜晚會諗住推入手術室,諗到瞓唔?,(老公陪入產房?)會,佢問我佢剪唔剪臍帶,我叫佢唔好剪,佢又唔專業,剪到個肚臍唔靚咁點算,因為我肚臍幾靚,不過男仔都冇所謂啦,女仔因為?比堅尼靚啲,不過我多嘢諗啫!」Kathy話到時唔會拍片,因為佢哋兩公婆都驚,而且拍完都唔會成日睇:「我諗影第一張相啦,同埋最想係第一個kiss佢(BB)?人,咁樣就已經好感動。

而Kathy胞妹周麗淇(Niki)同日都為佢同拍檔投資頭髮護理中心開設分店剪綵,Niki?好朋友甘比、謝天華、楊小娟現身撐場。Niki提到家姐就話:「佢大住個肚唔想佢走出嚟,0依家要看住佢,佢又?高踭鞋,跳嚟跳去,又會食錯嘢肚痾,之前又tick親,已經盡量唔畀佢再去任何公開活動,係好唔聽話?孕婦,都就快生仲咁活躍。」又話家姐怕痛應該會開刀,同埋佢貪靚,生仔都會以靚為主。

關注我們Facebook專頁
    相關新聞
      更多瀏覽