《導火新聞線》熱播 周家怡姜文杰咀到上梳化
2015年03月21日11:45

港視收視唔好,由開台時高峯每日平均點播十四萬用戶跌到今個月初最低得四萬。不過,最近被喻為「先知劇」嘅《導火新聞線》令港視收視有返啲起色喎!港視前日公佈上周收視,由每日平均點播四萬微升至四萬五千,每日平均直播用戶,由九萬上升至九萬五千,上升約百分之五點五。周家怡噚日同梁健平喺灣仔接受吳綺莉的數碼電台節目訪問,對收視回升,家怡話:「都係一支強心針。」

家怡仲劇透,會同姜文杰有一場激情戲,由大廳咀到上梳化,仲話自己攞咗姜文杰嘅螢幕初吻:「可能係佢第一次呀,見佢表現有啲尷尬。又唔知係咪我唔夠吸引呢?哈,永遠去到我個胸佢就避開。」雖然兩人咀到天翻地覆,但家怡最終仍是拒愛,更會有出人意表的結局。聽講,下星期王宗堯同楊淇亦會上演激烈床戲。

飾演總編輯「皇阿媽」嘅梁小冰好安慰咁話:「之前港視冇得發牌,我都有去政總靜坐,真係嬲到想息影呀!因為大家咁畀心機拍,𠵱家終於由雪櫃攞番出嚟重見天日,好開心。」

小冰亦都劇透埋一份:「皇阿媽係奸角,遲啲就可以見到佢點仆街。佢為咗新聞連自己老公、女同孫都出賣,阿女美棋因為咁自殺,皇阿媽就俾前夫石修摑咗一巴,好痛呀,好彩一take過。」

關注我們Facebook專頁
    相關新聞
      更多瀏覽