吳雨幽默回應 容兒將出戰叱咤
2014年12月30日12:19

今年唔少天王天后及人氣歌手都缺席樂壇頒獎禮,好似大台早前就放話話冇簽約都有獎,而一向皆大歡喜嘅新城電台高層朱明銳,於記者會時對容祖兒冇出席表示失望,仲疑似舉中指十多秒。祖兒亦首嘗捧蛋。有報導就話至電訪問英重高層吳雨,佢就指祖兒將會出席叱咤頒獎禮。

報章記者問吳雨怕唔怕新城銳哥嬲,吳雨表示對方好大方,仲話:「佢係智者用中指搲鼻哥,提醒我哋做人有宗旨,所以會去(叱咤)嘅。」

據知今年叱咤女歌手金獎,楊千嬅呼聲甚高,應該係祖兒同千嬅之爭。銅獎就應該係唔做嘢會有罪惡感嘅Fiona薛凱琪。

而男歌手方面,預計男神周柏豪將會首度奪金,銀獎會是許志安,銅獎有就係張敬軒同將會缺席嘅陳奕迅之爭。

組合三甲亦有傳係RubberBand、CAllStar及Dear Jane。而唱作人三甲係王菀之、方大同及林奕匡。

「至尊歌曲大獎」應該就係許志安嘅《流淚行勝利道》,該曲同時入選「我最喜愛歌曲最後五強」,另外仲有AGA《一》、張敬軒《青春常駐》、謝安琪《獨家村》及雨傘運動打氣歌《撐起雨傘》。

關注我們Facebook專頁
    相關新聞
      更多瀏覽