蔡思貝初見巴西體操王子 自爆擇偶條件最緊要幼
2018年06月14日11:30

日前,蔡思貝(Sisley)與有「巴西體操王子」之稱的Arthur Nory出席商場活動。二人於活動中大玩遊戲外,蔡思貝面對大隻又靚仔的體操王子不禁自爆自己的擇偶條件!另外,初次到埗的Arthur 更馬上四圍去,走到鋪頭試衫之餘,仲大騷腹肌!

撰文:東方新地|圖片:新傳媒圖片庫、Arthur Nory Instagram

延伸閱讀:

余香凝背陳家樂偷食 連日陪保險才俊過夜

首晒婚紗相 大肚林芊妤:影婚照是例行公事

蔡思貝初見巴西體操王子

日前,蔡思貝出席商場活動,同場更有巴西體操王子Arthur Nory,面對大隻又靚仔的體操王子,蔡思貝就表示覺得對方外表非常Sharp醒,又大讚Arthur牙齒好白,好似漫畫裏面見到的陽光男孩一樣。而且,佢仲話會一盡地主之誼,趁機問下Arthur會唔會留喺香港多幾日,等佢可以帶Arthur出去玩。

雖然體操王子年紀比蔡思貝細,當被問及接唔接受姊弟戀,蔡思貝就話愛係無分界限,仲自爆之前在外國讀書都係同外國人拍拖,但表示自己比較追求靈魂上交流,細個會覺得外形好重要,拖住男友出街會好威水,但大個反而覺得靈魂交流比較重要。

蔡思貝自爆擇偶條件最緊要幼

佢更自爆有一項特別的擇偶條件:「我好鍾意我爹哋對腳,好幼、好修長,睇男仔會以老竇隻腳為參考,如果隻腳靚會加分。」,唔知體操王子對腳又夠唔夠靚呢?

蔡思貝仲同Arthur大玩多個遊戲,睇落Arthur都玩得好投入吓。

另外,蔡思貝對於無綫是否發出「禁波令」,不准旗下藝人公開談及有關世界盃的事情則表示:「冇聽過呢樣嘢喎,我日日喺個廠入面拍劇,與世隔絕,冇聽過。」

健操王子試衫騷肌

而初到埗嘅Arthur其實一到香港就已經四圍去,又去鋪頭試衫,又扮模特兒,仲邊試衫邊大哂自己啲腹肌,真係睇到唔少女網友嘩嘩聲。

延伸閱讀:

余香凝偷食致分手? 陳家樂含淚認情已逝…

關注我們Facebook專頁
    相關新聞
      更多瀏覽