陳豪陳茵薇結婚週年 IG晒巴黎結婚相
2018年06月12日15:49

陳豪陳茵薇結婚多年,一直非常恩愛。日前是陳豪陳茵薇的結婚5週年,陳茵薇於Instagram發佈2張巴黎結婚相,對老公陳豪講「your hand will always be my favourite to hold.」,好sweet,陳豪一定好冧!

撰文:Kamen | 圖片:aimeechan_official@ig

延伸閱讀:

【親子好去處】107蚊就坐到?Hello Kitty新幹線 大阪玩到福岡 6月30日正式啟動

親子好去處 日本富士急樂園今夏免入場費

陳豪陳茵薇結婚週年 IG晒巴黎結婚相

今年為陳豪和陳茵薇的結婚5週年,Aimee於Instagram發佈2張巴黎婚紗相,仲留言「Happy anniversary baby! @moses_chan_ Paris will always be my favourite place and your hand will always be my favourite to hold.」,阿Mo一定好冧!

陳豪陳茵薇結婚週年 IG晒巴黎結婚相
陳豪陳茵薇結婚週年 IG晒巴黎結婚相

陳豪陳茵薇結婚週年 IG晒巴黎結婚相
陳豪陳茵薇結婚週年 IG晒巴黎結婚相

二人世界 歐洲街頭放閃

早前,Aimee在網上分享兩人歐遊照片,兩公婆甜蜜在街頭相擁拍照,結婚多年還十分甜蜜,真是令人羨慕!

陳豪陳茵薇結婚週年 IG晒巴黎結婚相
陳豪陳茵薇結婚週年 IG晒巴黎結婚相
佛羅倫薩街頭留影。

昨日,Amiee同阿Mo欣賞古蹟的偉大之餘,仍不忘放閃!

陳豪陳茵薇結婚週年 IG晒巴黎結婚相
陳豪陳茵薇結婚週年 IG晒巴黎結婚相
兩公婆喺羅馬競技場前攬到實影相!

陳豪陳茵薇結婚週年 IG晒巴黎結婚相
陳豪陳茵薇結婚週年 IG晒巴黎結婚相

不時享受二人世界

其實陳豪同陳茵媺不時都會抽空享受一下二人世界。早前,阿Mo都晒過同茵媺嘅甜蜜合照!茵媺雙手搭喺Moses膊頭,小鳥依人仲大晒婚戒,有如一對新婚夫婦!佢仲話話難得抽到時間同老婆拍吓拖,去咗行街、睇戲、食飯,享受二人世界。

陳豪陳茵薇結婚週年 IG晒巴黎結婚相
陳豪陳茵薇結婚週年 IG晒巴黎結婚相

難得兩個人去拍拖,當然要爭取機會影多幾張合照!除咗大晒拖手相,Moses仲分享佢同茵媺撐枱腳時嘅合照,見到佢哋食緊飯都要拖住手,相信呢對模範夫妻仲好似熱戀期一樣咁甜蜜!

當小朋友係大人 解釋父母去向

雖然兩人經常要分配時間照顧仔女,能夠二人世界的機會不多,但陳豪就話如果佢哋想二人世界嘅時候係會同小朋友去解釋爸爸媽媽去邊、做咩,會當小朋友係大人,等小朋友會有心理準備,唔會扭計話要一齊出去。仲話,其實到而家都學緊如何做父母,學習點樣去照顧子女。

陳豪陳茵薇結婚週年 IG晒巴黎結婚相
陳豪陳茵薇結婚週年 IG晒巴黎結婚相

陳茵媺 親自下廚

陳茵媺早前接受訪問時,透露自己平日都會親力親為照顧三個小朋友:「因為我未放得手畀人去幫手,我又同佢哋瞓啦,朝早又煮早餐畀佢哋食,親自揸車車佢哋返學,今年比較頻撲啲,因為朝早二仔返學,晏晝就係細女同大仔返學,變咗我要來回四次返屋企接送。」

陳豪陳茵薇結婚週年 IG晒巴黎結婚相
陳豪陳茵薇結婚週年 IG晒巴黎結婚相

農曆新年當時,陳茵薇亦有與屋企親自下廚煮團年飯:「煮畀屋企人同啲小朋友,哈哈,好大工程!呢餐我好大壓力,哈哈,都OK、都好成功。我本身唔識煮中國菜,成日都係煮啲西式嘅嘢,上年開始第一年摷資料去學點樣煮中國菜,練咗兩、三晚,之後先敢畀屋企人食,今年信心大少少,因為上年試過,哈哈!」

陳豪陳茵薇結婚週年 IG晒巴黎結婚相
陳豪陳茵薇結婚週年 IG晒巴黎結婚相

三個夠晒數

問到陳豪有冇鼓勵繼續生?陳茵媺答:「佢呀⋯⋯佢話愈多愈好呀,嚇死我,哈哈哈哈哈!我就話夠咯、真係夠嘞,因為尤其係我覺得香港有三個係比較困難少少,因為我喺外國有幾個朋友都係生三個,但我覺得因為嗰度環境會比較空曠啲、多啲地方畀啲小朋友走動,讀書方面會比較relax啲,同埋最緊要我覺得日常生活冇香港咁匆忙,上上落落車好似好少嘅嘢,但多啲位泊車嗰啲都係小嘅細節,呢方面喺香港我就覺得辛苦少少囉,所以我覺得夠嘞,如果唔係我真係要揸兩架車㗎嘞,哈哈哈哈哈!」

陳豪陳茵薇結婚週年 IG晒巴黎結婚相
陳豪陳茵薇結婚週年 IG晒巴黎結婚相
陳茵媺同陳豪兩夫婦湊小朋友不假手於人,只要不用工作,每天都是家庭日。

會唔會孻女孻心肝,最錫細女?陳茵媺話:「我覺得冇,因為佢都幾有Boss、領導嘅性格,哈哈,佢係好強嘅性格嚟,所以未有呢種情形出現,反而我覺得因為佢最細,更加要對佢嚴多少少,因為如果個個都縱佢,我驚佢性格變刁蠻公主,哈哈哈哈!」

陳豪陳茵薇結婚週年 IG晒巴黎結婚相
陳豪陳茵薇結婚週年 IG晒巴黎結婚相
陳茵媺話驚細女性格會變刁蠻公主,所以對佢特別嚴厲。

子女性格各異

陳茵媺又透露大仔有表演嘅潛質,好鍾意扮老師,同扮啲古靈精怪嘅嘢:「佢好怕醜,但一要上台佢就唔驚,試過喺學校有聖誕嘅演出,之前我猛咁要佢講對白畀我聽,佢唔肯講畀我聽,仲同我講:『媽咪,我知道要講咩對白,你唔好再問我嘞。』我擔心佢唔記得,因為第一次上台、第一次要講對白,我個心怦怦跳,仲緊張過自己上台,點知嗰日佢講得好大聲、好有自信,又好清楚,記得晒全部每一個字,我覺得佢好似我老公,一埋位就已經可以講對白、做戲!」

陳豪陳茵薇結婚週年 IG晒巴黎結婚相
陳豪陳茵薇結婚週年 IG晒巴黎結婚相
陳茵媺透露大仔好有表演潛質,上台講對白好有自信。

「二仔比較鍾意做功課,佢比較男人啲、man啲,率直啲,冇大哥咁多古靈精怪嘅嘢,大仔好鍾意諗啲計仔。阿囡就好鍾意Show Off、好鍾意引人注意,特登喺你面前扭吓扭吓繞場一周,等人望住佢,三個真係唔同嘅性格!」

陳豪陳茵薇結婚週年 IG晒巴黎結婚相
陳豪陳茵薇結婚週年 IG晒巴黎結婚相
至於二仔陳茵媺就話佢性格率直,比較man。

陳豪 做唔到嚴父

問陳茵媺算唔算怪獸家長?小朋友每日使唔使上好多興趣班?佢笑言:「冇,呢方面我比較relax,但relax得嚟我都有要求,我自己喺屋企有畀啲功課佢哋做,我唔想日日要帶佢哋補習,因為其實佢辛苦之餘,我自己都好辛苦,因為我要親自接送,我又唔想畀咁多壓力佢哋,因為當日日都要咁樣返學,我知道我會好大壓力,當我有壓力,我就有可能畀啲小朋友好大嘅壓力,我唔係好想。」

陳豪陳茵薇結婚週年 IG晒巴黎結婚相
陳豪陳茵薇結婚週年 IG晒巴黎結婚相

不過陳茵媺又表示:「但係喺香港因為人人都咁做,我又唔可以完全唔畀佢哋上堂學嘢,所以攞個平衡囉,唔可以太多,但又唔可以完全冇,如果佢哋冇學,而隔籬個小朋友有,返到學校可能會有比較,我唔需要佢哋最叻,中間我覺得已經好好㗎嘞。依家大仔四歲,佢上緊普通話堂,因為我普通話唔好,教唔到佢,二仔同囡囡就有學游水。我都希望佢哋學一樣音樂方面嘅嘢,但暫時未有時間。」

陳豪陳茵薇結婚週年 IG晒巴黎結婚相
陳豪陳茵薇結婚週年 IG晒巴黎結婚相
相夫教子日子有功,身為三子女之母陳茵媺練就出不少心得,「試過晏晝同埋屋企人一大班人打邊爐,我淨係需要準備新鮮食材,大家烚自己鍾意嘅嘢食。」

陳茵媺又講到當小朋友曳嗰陣,通常由佢負責鬧:「因為我成日都喺屋企,同埋我係比較嚴格啲嘅,因為是旦一個要嚴格,我哋試過,佢(陳豪)嚴格唔到,哈哈哈哈哈!所以我成日講,當爸爸嚴格,就好嚴重,平時就我嚴格啲,當問題嚴重,我會畀阿Mo出聲,所以當爸爸出聲,佢哋就知道爸爸好少咁嚴,即係好大件事嘞!」

陳豪陳茵薇結婚週年 IG晒巴黎結婚相
陳豪陳茵薇結婚週年 IG晒巴黎結婚相
陳茵媺話喺香港唔可以完全唔畀佢哋上堂學嘢,因為返到學校可能會有比較,所以要攞個平衡,喺中間佢覺得已經好好。

延伸閱讀:

【親子好去處】赤柱 | 赤柱正灘泳灘 (加慢活赤柱遊)

關注我們Facebook專頁
    相關新聞
      更多瀏覽