陳茵媺慶祝二人結婚周年 甜蜜放閃哂幸福婚照
2018年06月12日12:36

陳豪與陳茵媺於2013年結婚,無論婚前或婚後,二人都一直恩愛如昔。近日,陳茵媺於個人社交網上載當年她與老公陳豪在法國巴黎影的結婚相,以慶祝結婚周年紀念日,更甜蜜留言,令不少網友非常羨慕!

撰文:東方新地|圖片:陳茵媺instagram

延伸閱讀:

二仔結婚 榮升做奶奶 薛家燕 豪送百萬金器包酒席

世界盃開波啦!識睇梗係要睇靚女主持|回顧世盃女主持 邊個最掂?

陳茵媺放閃哂甜蜜幸福婚照

陳豪與陳茵媺話咁快就已結婚5年,近日,陳茵媺於個人社交網上載當年她與老公陳豪在法國巴黎影的結婚相,以慶祝結婚周年紀念日。相片以黑白為主調,非常有特色之餘,還見二人穿起禮服及婚紗,甜蜜拖手,並慢步於街道上,十分溫馨。

陳茵媺更甜蜜留言:「結婚周年快樂寶貝!巴黎永遠都是我最愛的地方,你亦是我最愛捉緊的手。」,不少網友見二人由拍拖至結婚有小朋友,都不禁羨慕二人的夫妻之情,真係睇到都覺得甜到漏!

陳茵媺
陳茵媺

陳茵媺對自己高要求

日前,陳茵媺出席電影謝票活動時表示,早前與老公陳豪二人世界觀賞該戲後,被老公讚賞是次演出,但她本人卻認為自己可以演得更好。

陳茵媺
陳茵媺

陳茵媺拒與老公演戲

陳茵媺指將來若再接拍電影,皆會以劇本為先,但拒跟老公演戲,因怕像真人秀。而且,她還拒看老公演親吻戲,因為始終會覺得不舒服,但會尊重他的演員職業,相當體貼兼體諒對方!

陳茵媺
陳茵媺

陳茵媺被電影角色吸引

陳茵媺有份拍攝電影《某日某月》因被角色「魯老師」追求浪漫的堅持所打動,而決定接拍電影,她表示:「我向來都有戲癮,只要夾到時間湊小朋友,我一定會接,為了《某日某月》,我特意改早機票回港開工。」

《某日某月》中,陳茵薇飾演角色「魯老師」。

同時,陳茵媺指接拍電影亦獲得老公陳豪支持。

陳茵媺試過異地戀

由於「魯老師」在電影中堅決守護一段異地戀,當被問及有冇類似經驗,她說:「老公好似唔應該聽呢啲…不過我都試過嘅,可以體會到另一半唔喺自己身邊嗰種失落同無助,當時我自己隻身來港追尋夢想,每晚拍完戲,返到屋企要一個人獨對四面牆,冇一個可靠嘅人喺身邊。」

相信陳茵媺而家唔會再對住四面牆啦~

陳茵媺獨門解悶方法

至於如何排解寂寞,陳茵媺似乎已有一套獨門秘方:「就係一個字『忙』,我會塞爆自己啲時間,TVB已經好充實。放工後又約朋友,總之返到屋企就瞓,無謂畀自己胡思亂想。」

陳茵媺最近亦較多出席活動。

陳茵媺甜過母親節

上個月母親節,陳茵媺就趁住好天氣,帶住三個小朋友去沙灘玩,大哥梓燁與二哥浩鋒精力充沛,而孻女凱婷更與媽咪嘴對嘴錫錫,相信大家都已經甜到入心,認真sweet到爆呀!

之後囝囝更突然將成桶水倒落陳茵媺頭上,做媽咪嘅就緊係冇嬲,而且仲笑晒口,真係玩得開心~

延伸閱讀:

胡杏兒囝囝晒米芝蓮豬腳 仲識一字馬?

關注我們Facebook專頁
    相關新聞
      更多瀏覽