【出街搵食】觀塘cafe食酒店級蛋糕+藍帶廚甜品班| 觀塘甜品|
2018年06月11日18:03

觀塘樓上舖,經常給人驚喜。最近又有新店,由英國藍帶學院畢業的靚女主理,所做的甜品、蛋糕,造型優雅,最緊要是味道不太甜,啱晒又想瘦又要食的女生們。中午亦有set lunch,百零蚊左右,已經有你道菜,最重要坐得舒服,糧頭不妨一試。

延伸閱讀:

日本Suntory官方宣布|大熱威士忌「響17年」今年停產

【食是食非】針對體質減肥(上) 寒底要補氣!脾虛食苦瓜都會肥?

靚女PR觀塘開cafe

怕肥,但又愛甜食是9成女人都會遇到的難題。身形瘦削的90後靚女 Stephy 都不例外,尤其偏愛法式甜品:朱古力慕絲、果撻、馬卡龍 ……通通都喜歡。「 法國甜品特別優雅,似件藝術品,有魔力令人開心。」無奈傳統法式口味特甜,Stephy食完只有瘋狂打拳消脂。本身修讀fashion marketing,愛煮又愛食的她,前年把心一橫,辭掉做了3年的公關工作,去 英國修讀藍帶甜品課程。

蛋糕以法式為主,每日約有三、四款,都是低糖配方,食起來,食到有層次的果香或朱古力味,卻又不會過甜。

學成回來,在家閉關3個月,日整夜整,將成品分 送朋友,人人食過都讚,信心大增,同家人商量後斥資百萬租下觀塘樓上 舖。一半做café,另一半就劃為cooking studio。「人客試過我的蛋糕後,可 以報名上堂,學成之後回家就可以做出同樣味道。」Stephy 笑道。

Chocolate Paradise (6吋 $420,8吋 $540) 怕肥的女生一聽朱古力就彈開,但 Stephy 的朱古力蛋糕雖有濃郁的可可 味、甜甜的焦糖香,入口卻不覺甜 膩,朱古力很有層次。
Yuzu $50 味道輕酸,完全呈現出日 本柚子的清新味道,柚子 慕絲內是鬆軟的海綿蛋 糕,很夾 !

比平時少1/3糖份

深明甜食對女生的魔力,她致力減糖,造福 女人。「 其實甜味唔一定靠糖帶出,生果、白朱古力都可以幫手調味,我哋落嘅糖,大約比平時少1/3左右,希 望女孩子們食完減低罪惡感。」老實說,這裡的蛋糕甜度的確比較淡口,卻不影響層次,比如招牌的 Chocolate Paradise,用比利時 Callebaut 黑朱古力做成,可可味超濃,2層海綿蛋糕,加朱古力漿、朱古力慕絲及焦糖,味道豐富,卻不會甜得涸喉。

創業初期,教班、整餅都是Stephy一腳踢,有時由8am忙到11pm,工作辛苦,卻很有滿足感。

開業才四個月,暫時只做午市及下午茶,一切仍在摸索階段,所以蛋糕款式 不太多;原個蛋糕有四款、小件裝蛋糕有六、七款。Stephy 每天8am 就返舖頭準備,全部新鮮即做,海綿蛋糕 特別鬆軟,加上可愛的食用花、紙蝴蝶裝飾,女生們可以放下戒備,開懷大吃了 !

Stephy形容自己為食又貪靚,所以做出來的法式 甜品都會以少糖為主。

同場加影:必食set lunch

每日中午是全店最忙的時候,大家除了來吃甜品,也很欣賞這裡的午餐。每日5款,百零蚊,在觀塘來說,價錢或者有點貴,但以質素及環境來說,是物有所值的,以下兩款是心水推介。

黃金蝦意粉$108(包餐湯或沙律)

蝦肉爽彈,最好味是加了鹹蛋黃炒香的意粉,鹹鹹香香,邪惡但美味。

辣肉腸烤雞$108(包餐湯或沙律)

春雞很嫩,配上香辣油潤的西班牙辣肉腸,非常惹味。

千四呎有一半是教室廚房,另一半是 café,食客可以透過大玻璃看到蛋糕出爐。

PHYTISSERIE

地址:觀塘成業街6號泓富廣場 306室

電話:9381 7557

營業時間:星期一至六 12nn-5pm( 3pm後供應下午茶,晚市暫時只供私人包 場,$380/位起,最低消費$3,000 )、 星期日休息

0
0

0
0

延伸閱讀:

台灣3大減肥網紅|20萬以上followers 分享減肥經歷

關注我們Facebook專頁
    相關新聞
      更多瀏覽