王浩信孖囡囡打羽毛球 陳自瑤繼續晒獨照
2018年06月11日14:15

王浩信陳自瑤 (YoYo) 日前傳出感情生變,離婚傳聞甚囂塵上!YoYo日前出席活動時為事件解話,表示兩人並無離婚,亦無分居,大家係「老夫老妻」咁話。又又又再次澄清後,YoYo日前繼續喺網上分享靚靚獨照,而王浩信就開心同女兒王靖喬(QQ) 打羽毛球,兩公婆似乎都心情大靚,感情應該… 冇問題啦!

撰文:東方新地|圖片:東方新地、Instagram

延伸閱讀:

陸浩明親自為女友操刀影相 男友視角大騷完美身段

盤點日韓10大童顏藝人|日本代表有安達祐實、新垣結衣 韓國代表就有⋯⋯

陳自瑤 王浩信 最後大龍鳳

能共患難與富貴,並非人人都做得到,王浩信與陳自瑤(YoYo)近年多次傳婚變,空穴來風未必無因。YoYo婚前一直受無綫力捧,與王浩信結婚生女後,她甘願做個平凡花旦,睇住老公由三線攀上視帝之位,但夫婦之間距離卻愈來愈遠。為了王浩信的形象與發展機會,YoYo對老公在外的緋聞一直逆來順受,每次有負面新聞,她都願意企出來做大龍鳳,事實卻是有苦自己知。

王浩信
王浩信

為個女啞忍

今次二人再傳婚變,不少圈中人都不感意外,據知陳自瑤一直好想挽救段婚姻,自己幾唔開心都好,都陪Vincent出嚟硬撐,結果老公順利拎埋視帝,但關係就未見好轉。Vincent 表面上話想同YoYo 生多個又承諾帶佢去旅行,全部都係得個講字。YoYo為咗個女好唔忍心,亦畀咗好多次機會Vincent,可能聚少離多,佢終於諗通再勉強落去都係冇結果,所以一返香港就同Vincent講清楚,仲叫佢即刻搬走。

王浩信
王浩信

陳自瑤痛心控訴

六年半婚姻,只有陳自瑤單方面努力向前行,結果徒勞無功,上月底YoYo情傷爆煲,選擇在社交網連番出文作出絕望控訴,先說:「多麼忙不重要,忙甚麼才重要!一次重要的抉擇勝過千百次的努力!今天的生活是由三、五年前選擇決定的,而三、五年後的生活是由今天決定的。」而之後另一篇「圓規論」則講到「你為甚麼不能圓夢?因為心不定,腳不動。」所有言論似是衝著王浩信而來,暗示夫婦關係已不復再。

YoYo否認同王浩信離婚

與王浩信傳出離婚消息後,YoYo早前出席馬鞍山一個活動,親身為事件解畫,YoYo一口氣提出三點澄清:「一直首先,冇提出過離婚;第二,我冇趕老公出門口;第三,我小朋友依然同我哋住一齊,好多各方面新聞,覺得唔係事實,亦覺得好笑。」

堅信王浩信會買樓贈自己

王浩信去年5月話打算買樓氹老婆陳自瑤,目標瞄準豪宅地段淺水灣,當時王浩信回應話距離目標尚有距離。一年後他榮升視帝,又話會代囡囡送禮物俾太太,就係獨立屋!但上月24日,王浩信以3306.6萬,購入清水灣傲瀧11座高層B單位,實用面積1,837呎,呎價1.8萬元。但呢個單位送畀媽媽,陳自瑤冇份,更有傳買樓一事太太全不知情。亦有傳王浩信故意唔寫太太名,他日離婚時不會被分身家。

YoYo澄清:「絕對冇,我係知道,我想話俾大家知,作為子女,送禮物俾父母係應該嘅事,點解大家要咁樣大造文章?佢(王浩信)係應承我,但係未必係o依家。我好多謝佢送咁厚禮俾我,我係好開心,相信佢應承咗我嘢,係一定會做,只不過今次係作為仔女,首先要孝順咗父母先喇,係咪?我覺得好應該,好正常嘅事。」

冇分居 但承認一個住樓上一個住樓下

問到係咪已分居?陳自瑤話:「冇分居,(樓上樓下住?)其實係冇呢件事,不過可能係佢有個office,佢依家除咗拍戲工作外,仲有一啲生意,所以搵咗個地方做office,當然喺屋企唔方便,可能因為一件咁樣嘅事,令到大家有咁樣揣測。」即係樓上樓下?「係呀,我知道今日會見大家,所以咪希望一次過講,唔再再逐回應。」Yoyo拒用「恩愛」形容同王浩信夫妻關係,話只係「老夫老妻」。

少在IG放閃

YoYo同王浩信早年不時晒恩愛合照,但近兩年少之又少,加上YoYo近月連發出充滿正能嘅post,包括上月30日呢句:「圓規為甚麼可以畫圓?因為腳在走,心不變。你為甚麼不能圓夢?因為心不定,腳不動。奇蹟,還有個名字叫努力!」「最大的放生是放過自己!」結果惹人猜疑!

YoYo解釋:「其實一直寫嘅係文章分享,如果針對文章嚟幻想另一啲嘢,copy前copy後嚟講,係斷章取義,我冇咁嘅意思。(會唔會考慮放多啲夫妻合照放閃?)其實我哋不嬲都少post嘅,加上呢排我又要拍劇啦。」

YoYo繼續晒獨照

出席活動後一日,YoYo又喺社交網晒靚相,呢次亦同過往一樣係單人照,佢留言道:「Holiday mood……Have a nice Sunday!」相中見到YoYo打扮非常夏日,草帽加黃色花花連身裙,轉身甜笑晒玉背,至今吸咗成一萬3千幾like呀!

☀️Holiday mood………🌈🌴🌺 Have a nice Sunday!💋💋

A post shared by 陳自瑤yoyo (@chenchiyiu) on Jun 9, 2018 at 11:24pm PDT

之後YoYo再分享一張正面照,見到佢托住頭望鏡頭甜笑,仲有杯消暑凍飲,留言「The heart is beautiful and the world is beautiful」,心情繼續靚靚,又繼續發放正能量喎!

今次識做俾like

猶記得去年七月時王浩信與YoYo傳出現感情問題,當時YoYo喺IG上載與女兒的合照,但未見王浩信俾like或留言!後來王浩信接受訪問時開玩笑話:「好大鑊啊!無俾Like都係罪?」,然後澄清自己事後已經補Like,希望家人原諒佢無睇到。今次王浩信就識做啦,有like老婆張靚相!

王浩信孖囡囡打羽毛球

老婆YoYo繼續晒靚相,另一邊廂王浩信就晒父女情,呢日佢喺社交網上載自己同女兒QQ打羽毛球的親子同樂日,見到王浩信心情似乎相當靚,不停舉球拍自拍,又影吓個球場等等。

王浩信
王浩信
王浩信
王浩信

王浩信同女兒打波咁開心,但點解唔預埋老婆YoYo呢?

王浩信
王浩信
王浩信
王浩信

王浩信向來酷愛打羽毛球,見到佢同教練練波時非常認真!

揭婚變內幕 絕望陳自瑤 趕走王浩信

渣男周永恒再婚… 盤點10個世紀賤男

延伸閱讀:

JC就生得 老公幫手湊女|慈父安志杰 教女刷牙好有愛

關注我們Facebook專頁
    相關新聞
      更多瀏覽