楊思琦 廿四孝媽媽之日常
2018年05月17日15:01

單親媽媽唔易做,不過一定會盡力做到最好!好以楊思琦咁,平時星期一至日走南闖北做騷接活動賺錢養家,一有時間留港,九成九用咗嚟陪個女Krystal,你話呢啲係母愛係犠牲?其實呢啲至係一個正常廿四孝媽媽之日常。

撰文:東方新地|圖片:新傳媒圖片庫、楊思琦IG | 編輯:Sunday Kiss(原文刊於:東方新地

延伸閱讀:

【親子好去處】帶著小B去旅行 澳門百老匯地道文化美食節

紐約第一好味!Shake Shack登陸中環 4大必食漢堡推介

楊思琦 廿四孝媽媽之日常

楊思琦三代齊出遊

將軍澳街坊一定見慣不怪,區內各大商場周不時都會見到楊思琦帶埋囡囡同媽咪三代出遊。日前又係呢三代同堂,齊齊陪住Krystal去東港城學小提琴。

楊思琦 廿四孝媽媽之日常
楊思琦 廿四孝媽媽之日常
唔使出埠賺家用時,楊思琦盡量陪在身邊參與囡囡生活,日前又素顏管接管送,車囡囡Krystal去將軍澳學小提琴。
楊思琦 廿四孝媽媽之日常
楊思琦 廿四孝媽媽之日常
思琦鍚女鍚到燶,母女感情好到不得了!
楊思琦 廿四孝媽媽之日常
楊思琦 廿四孝媽媽之日常
一到放學時間琴行外企滿導師同家長,個個都見慣楊思琦,親切寒喧打招呼。
楊思琦 廿四孝媽媽之日常
楊思琦 廿四孝媽媽之日常
離開商場前見到主題佈置係Miffy,Krystal撲上前擺po玩陣先,思琦就好似其他媽媽一樣,踎低舉機影低囡囡。

思琦同思琦媽喺附近遊走等到囡囡落堂,夠鐘就去到琴行接女放學。話說6歲Krystal不嬲古靈精怪有表演慾,一落堂見到媽咪即刻大解放,攬住商場主題布置巨型公仔狂擺po影相。

楊思琦 廿四孝媽媽之日常
楊思琦 廿四孝媽媽之日常
Krystal一向好動又有表演慾,對住媽媽鏡頭又抬腳又舉V,不知幾興奮幾多表情。
楊思琦 廿四孝媽媽之日常
楊思琦 廿四孝媽媽之日常
影完女巡例都要兩母女自拍一張,睇Krystal表情,就知有媽媽陪幾咁開心!

思琦幫手攞琴袋、踎低起身幫囡囡影靚相,影完相Krystal都好乖巧,自己的事自己做,攞番個小提琴自己孭,唔會再畀媽媽同婆婆操勞,呢啲咪有家教,兼且有樣學樣,學晒一樣孝順嘅思琦囉!

楊思琦 廿四孝媽媽之日常
楊思琦 廿四孝媽媽之日常
入行17年出名慳家又勤力,識搵錢仲識買磚頭錢滾錢,接完囡囡放學,思琦同媽媽又站在地產門外研究吓樓價入唔入得過手。6歲Krystal好乖巧,自己小提琴自己孭,絕不勞煩媽咪同婆婆。

楊思琦北上拍劇不捨囡囡

楊思琦下月將到內地拍劇,會離開囡囡約1個月,提到兩、三年前曾離開3個月左右出外工作,當時母女短暫分開的問題不大。她表示,依家出門,囡囡都問得好詳細,今次佢一定唔捨得,其實我都會。

楊思琦:仍然相信愛情 BB畀到好大嘅力量我

由當選到依家,十六年,你事業有冇高低潮?

當然有高、低潮啦,選完嗰幾年TVB畀好多嘅機會,做司儀、主持、拍劇,但後尾其中有少少年份機會就會冇咁多,我人生嘅低潮嚟講,係我帶住小朋友返嚟嗰輪不停有好多負面報道,嗰時其實都有啲唔開心,瞓唔著、食唔落飯就冇,不過有新聞嘅時候,好多記者打嚟問有冇回應呀,就覺得又答?都唔想講嘞。

但我最開心嘅地方就係,湊住個小朋友,見到佢已經好開心嘞。亦都冇報道所講我產後抑鬱嗰啲啦!個BB畀到好大嘅力量我,見到佢,我啲辛苦就唔記得晒。

思琦表示近期主要去內地做商演,一個星期有三至四日在內地工作,其餘三至四日在香港,所以一有時間就會陪囡囡。

有無諗過唔要個BB?

梗係唔可以啦,上天畀我嘅禮物嚟㗎嘛!雖然另一半未必適合你或者發展到成為一個家庭,但係我覺得唔可以剝削咗佢喺呢個世上嘅權利,同埋就算係我一個,我相信自己都有能力同埋會畀到足夠嘅愛佢。加上媽咪畀到我最大嘅支持,一來湊小朋友佢有經驗,另外佢覺得有啲咩都可以重頭開始嘅啫,佢又整好嘢畀我食、又成日同我傾偈,所以我唔會唔開心囉。呢個社會唔係全部都係圓滿家庭,都有好多係單親家庭,雖然我唔係好想去做單親媽媽,但冇選擇底下,又好唔好彩做咗,但都唔緊要,我享受其中,小朋友又開心,已經係我能力做到最大嘅嘢嘞。

有人戥她的感情事不值,她反而豁達說:「過去由得佢過去,成日留戀以前,要向前望吖嘛,所以我都唔會成日諗以前點。」

女兒冇見生父

佢有冇見過爸爸?法律上係咪應該會?

點會呢?佢係跟我㗎嘛,出世嘅時候決定咗係跟我,所以唔會囉!個女依家都5歲,最基本佢幼稚園嘅時候,老師會話畀佢聽家庭有爸爸、媽媽,佢知道我哋個家庭係冇爸爸,但我同佢講,我哋有公公婆婆,佢都好清楚囉。

囡囡性格係點?

囡囡性格好活躍,好鍾意講嘢、鍾意唱歌,郁身郁勢,好有表演慾,又好鍾意同小朋友玩,我有朋友有小朋友,佢成日都會掛住,叫我打電話畀佢哋。我閒時又會帶佢食嘢、帶佢行街、去圖書館、書局、學嘢,游水、跳舞,其實都幾忙下㗎!

重提當年是媽媽鼓勵她學化妝及打扮技巧才選港姐,「如果冇選香港小姐、冇入呢行,我諗我應該好早結婚,因為我諗住廿幾歲就生小朋友,應該有幾個㗎嘞,咁依家都有一個,好開心!」

囡囡讀國際學校,負擔重唔重?

其實都重嘅,小朋友都有好多嘢學,唔係淨係學費,興趣班呀、加埋食嘢,好多開支㗎!再開心啲,帶埋佢去旅行,更加使得多,遲啲三、四年班又話去咩交流團,要努力啲賺錢呀!之前有兩、三個月喺橫店拍緊內地電視劇,有試過好掛住個女,因為嗰時佢仲細,同埋嗰套劇要打、好辛苦,又凍、又掛住媽咪、又掛住個女,嗰時都有啲思鄉病,但依家佢大咗啲,就算我打電話返去佢都識聽,以前太細個就算視像我望到佢,佢都周圍玩其他嘢,唔知係咩事,依家會知道、識得叫婆婆打電話畀我,冇咁覺得距離好遠嗰種感覺。況且依家又冇咁長時間唔喺香港,不過我執行李佢會問:「媽咪,你去邊呀?幾時返嚟呀?帶埋我去吖!」

距離選港姐已十六年,樣貌變化不大,保養心得是,「開心囉,希望衰老嘅速度減慢啦!」

感情唔係想就有

感情狀況如何?

其實都好忙碌,都唔會有機會發展,又要做嘢,其他時間撥晒畀個女,一個禮拜得番三、四日,仲唔陪佢好guilty㗎喎!都好講緣份,唔係你好想就有㗎嘛,所以隨緣囉,唔會話一定要有呀、人有我有呀!中間都有啲追求者嘅,但係冇發展嘅,我覺得未必係適合。

說到今屆港姐冠軍雷莊𠒇,「你睇得獎嗰晚啲相都靚嘅,同埋入行後識化妝,又唔同呢,好多人都話我離開TVB後靚咗,我諗係因為依家識得化妝。」

你仲相唔相信愛情?仲需要愛情?

我仍然相信愛情嘅,都需要嘅,但唔知幾時、邊一刻會嚟搵我囉!哈哈!唔係個個喺感情路上都咁平坦,我相信都會有啲特別嘅小插曲發生,之後有新嘅嚟或者有更加好嘅,先至會去珍惜,我亦都相信會有呢一日嘅。不過我一有時間就會想陪個女多啲,因為都擔心第時佢反叛期唔聽我話青少年總會有反叛期,希望佢知道我盡心盡力去照顧佢會懂事啦!

無綫搵你拍劇你OK?

如果有啱嘅節目,我都wellcome去合作嘅。同埋我同TVB都唔會話有咩過折,只不過嗰時合約完咗,問我續唔續約,但我覺得我嗰陣時嘅年紀我真係想出去睇下囉!如果我簽多六、七年,都四十幾歲,都好年長啦,仲點行出去呢?佢係加人工畀我嘅,其實對我好好嘅,只不過我真係好想去試多啲嘢,因為女仔唔同男仔嘛!

工作以外的時間都用來陪伴女兒成長,有信心給予女兒足夠的愛。

下一頁:楊張新悅 ︰做父母係要捱

下一頁 點解你咁乖嘅?陸永大女的回答令媽媽倍感安慰

0
0

延伸閱讀:

親子好去處 一家三口二百蚊留港hea宿營

關注我們Facebook專頁
    相關新聞
      更多瀏覽