方力申開游泳學校做校長 親身上陣免費教!
2018年05月15日21:21

好多人都知,方力申未入行之前係游泳健將,仲係代表過香港參加奧運,雖然退咗役咁耐,但係到而家佢仲有兩項香港紀錄(200米背泳同400米混合泳)係未俾人打破到架!日前小方就正式喺個人專欄宣佈,要開游泳學校做校長喇!而且仲話唔收「學費」免費教Tim! 究竟係咩玩法呢?

*******後面有好多絕密相呀!********

撰文:Sunday Kiss 圖片:新傳媒資料室、方力申Facebook專頁

延伸閱讀:

2018母親節5間酒店自助餐推介!任食生蠔龍蝦+士多啤梨下午茶

親子好去處 日本富士急樂園今夏免入場費

方校長:游水係必學求生技能

近年方力申刻意減產,做過飲食、服裝、公關、電影製作等生意,近日終於的起心肝做番「老本行」,開游泳學校喇!由9歲開始正式訓練,15歲第一次打破香港紀錄,20歲代表香港出戰悉尼奧運,仲打破咗兩個至今無人能破嘅港績,小方呢個「飛魚王子」嘅地位,依然好穩陣呀!

小方認為,游水係必學求生技能,所以除咗要訓練有潛質嘅小朋友之外,亦都希望藉此回饋社會,贊助一些弱勢家庭兒童,教佢哋游水!

真係會親身教?

好多人都問小方,「你開學校,係咪會自己落水教先?」小方就話唔止會親身教,仲會免費教Tim!

飛魚王子喎!點解會「免費教」咁筍?因為小方始有好多工作在身,但係游水嘅訓練係好有系統,開始咗就唔停得嘅,所以如果佢教吓又走吓,就冇辦法對學生負責任喇!如果係咁,不如就免費,佢等閒嘅時候就指導吓,過啲料俾學生咁仲好啦!

飛魚王子點鍊成?

爺爺同爸爸都係游泳健將,小方有咁優良嘅遺傳,自然唔會輸蝕啦!

仲係BB嗰陣,小方已經好熟水性喇!

出身自小康之家,細細個就已經無水不歡!細個跟家人出海玩,未識游水已經戴住吹氣水袖跳落水玩!

9歲開始喺南華會接受正式訓練,中學仲入咗聖若瑟書院,一間專出泳將嘅傳統名校讀書!呢個四眼Look都幾有書生Feel!

方力申同司徒瑞祈唔止係同校師兄弟,亦都曾經一齊效力港隊架!

方力申而家仲係200米背泳及400米個人混合泳二項香港記錄保持者。

因為有運動員嘅背景,方力申亦都做過奧運主持,游泳項目梗係由佢負責啦!

小方開嘅游泳學校,將命名為 Hong Kong Swimming Academy,課程「RippleFly」,by ATOM Academy,寓意給予同學的教育,會像漣漪般從「一」滴水逐漸蔓延,最後成「瀧」一般地,急流一樣地,一飛沖天。

下一頁:DJ 朱薰 推崇「羅家英」教學法

下一頁:楊張新悅 ︰做父母係要捱

延伸閱讀:

熊黛林產後水腫嚴重 自嘲「豬蹄」塞唔入高踭鞋

關注我們Facebook專頁
    相關新聞
      更多瀏覽