杜如風與好友提早慶生 一眾好友摸肚疑似好事近
2018年05月15日17:43

聽日就係杜如風43歲嘅生日,一班好友就提早搞個生日會同佢慶祝。壽星女就當然要同友人影相留念,而杜如風上載上網嘅慶生相片,就被一眾眼利網民發現有個亮點,仲懷疑佢好事近。唔通杜如風想趁住生日公布好消息?

撰文:東方新地|圖片:Facebook、杜如風IG

延伸閱讀:

《復仇者聯盟3》必知7件事!

楊思琦 廿四孝媽媽之日常

杜如風有喜?!

做旅遊節目主持做到係人都識嘅杜如風,聽日就係佢43歲嘅生日。而獲一班好友同佢提前慶生嘅杜如風,就係日前食生日蛋糕,而其中當然唔少得要影相留個記念啦~但點知,好出奇地個個朋友就摸住杜如風個肚嚟影合照!空穴來風,就事出有因,唔通杜如風有咗bb?

個個網友睇到張相,都估社如風唔通有喜?!

杜如風生日不停食蛋糕

之後,杜如風再放出另一張捧住個馬騮仔樣嘅蛋糕,仲要擘大口咁留言指:「第二個生日蛋糕!但係我仲未生日!感謝TVB的團隊!」真係多人同佢慶祝生日,證明杜如風無論工作定生活上,都好有人緣。

開心慶生嘅杜如風上載一段短片,片中見到成班同事仲大唱生日歌,但最搞笑係其中一個同事竟然叫杜如風要生性呀!如風就話:「我幾時唔生性。」隨後,杜如風亦留言感謝TVB的團隊為佢驚喜提前慶祝生日。

第二個生日蛋糕!但係我仲未生日!

A post shared by Helen To // 杜如風 // To Yu Fung (@toyufung) on May 14, 2018 at 4:53am PDT

杜如風鍾意抱B

其實,杜如風間唔時都會放啲抱b相上個人社交網,見佢咁鍾意抱人哋bb,又同bb玩,唔知幾時可以真係聽到佢好消息,同睇到佢抱自己嘅bb呢?

延伸閱讀:

胡杏兒囝囝Brendan 天然呆超可愛 胡說八道靚契媽冧爆

關注我們Facebook專頁
    相關新聞
      更多瀏覽