【絕不棄養】為BB送走狗狗?陳柏宇老婆反擊:唔通由佢哋打死
2018年04月23日07:00

陳柏宇(Jason)日前出席活動時話屋企兩隻狗成日打交,太太符曉薇(Leanne)岩岩懷孕三個月,自己又唔係屋企,所以想搵訓練員處理好啲問題。

不過Jason話,最壞情況係將其中一隻擺喺朋友屋企,但「唔希望行呢一步」。報道出街之後,就惹來唔少網民狂轟,話佢哋「擺明要仔唔要狗!」

Jason老婆Leanne就喺Instagram寫文還擊,話呢啲留言睇到嘔血:「我哋係諗BB啱啱出世時,先放去朋友度住,而個朋友係我哋以前同屋,Bessie第二個老竇,等幾個月BB安定咗就會攞佢返嚟。」

Leanne話搬咗新屋後狗狗先發生打鬥事件,但就從來冇心擔會傷害BB:「一個喺地下,一個喺BB床,唔通佢識飛上嚟咬BB。我哋喺驚兩隻狗打傷,前幾日佢哋打到vv差啲咬中Bessie眼球,好彩咬到眉頭。唔通由佢哋打死?」

其實佢兩公婆不嬲都好錫動物,Leanne回覆傳媒時話唔會棄養動物,已經搵咗訓練課程俾佢哋上:「有信心佢哋會更好!」

關注我們Facebook專頁
    相關新聞
      更多瀏覽