疑遲到入閘登機遭拒 港女拍檯鬧職員:仲要補錢無野呀
2018年04月17日09:43
港女疑遲到入閘遭拒登機,拍檯鬧職員。影片截圖

【星島日報報道】出外旅遊搭飛機,理應預早到登機閘口準備登機。有港女疑因遲到八分鐘,於登機閘口被拒上機,期間更講粗口鬧職員,指「我跑過嚟,仲要補錢,無野呀」,引起網民熱烈討論。

有網民於Facebook專頁「PLAY HARD 玩硬」轉載兩段影片,首段片段所見,一名港女於機場登機閘口與職員理論,期間一名男子在旁向職員表示:「講一講啫,唔得咪由佢囉」,其後有職員回應指是安全問題,其後港女隨即拍檯插咀「咁你而家拿拿臨安排下一班俾我啦,唔通我喺到等呀,快啦,九唔x搭八」,其後轉身離去,而職員已表示「幫你睇緊,俾少少時間好唔好。」其後一名男子向職員道歉。

第二段片段所見,該名港女向職員表示該時間很多人,「喂我要逼架喎,跑過嚟呀,仲要補錢,無野呀。」她身後朋友從遠處大叫「勁多人check緊in呀」,職員向港女表示「麻煩下次早少少到機場」。港女隨即連珠炮發「排隊呀嘛,小姐,你試下,唔係補錢呀,九唔x搭八」。

轉載影片的網民指,航班早上9時10開出,「呢班人09:18先到閘口,仲要抵賴話排隊時間太耐,實情係去咗買咖啡排長龍搞到要送機尾」。

不少網民都不值港女所為,認為她不講道理,「 我未搭過飛機都知要預早兩個鐘去到機場check in啦」、「 我以為只有拍戲才有咁樣⋯」、「其實真係無理由登機都遲到」。

關注我們Facebook專頁
    相關新聞
      更多瀏覽