古天樂榮登最孝順影帝
2018年04月16日06:41

入行25年,所拍電影超過100部,古天樂終於憑《殺破狼‧貪狼》終於摘下金像影帝!古仔在台上公開向家人致謝,感謝家人一直以來的支持!最孝順影帝,當之無愧!

撰文:Sunday Kiss 圖片:東方新地、ViuTV截圖及古天樂專頁

延伸閱讀:

【2018復活節活動】親子好去處 極夢幻!! 免費走入童話玻璃鏡房

【2018復活節活動】親子好去處 復活節精選節目

最孝順影帝

古天樂從影多年,演出角色無數,但之前竟從未攞過電影獎項。不過古仔今年在《殺破狼‧貪狼》飾演一位任警察的單親爸爸,罕有地親身上陣演出連場動作場面,內心戲又有感染力,最終佢憑此片打破宿命,在「第37屆香港電影金像獎 」中,首奪金像獎影帝!

古天樂
古天樂
首次飾演單親爸爸,古天樂內心戲爆發力驚人。

首次演單親爸爸

古天樂的得獎作品,是由葉偉信執導的《殺破狼‧貪狼》,電影講述由古天樂飾演的香港警察李忠志得悉,其15歲女兒阿芝在芭堤雅旅行時突然人間蒸發,於是親赴泰國尋找失蹤女兒下落,幸得當地華人探員崔傑和同袍Tak協助追查,眾人根據線索,得知其女兒失蹤的原因,與曼谷市長候選人及其幕僚有關。

日日都係阿媽嗌起身

首奪影帝殊榮,古天樂天在台上公開感謝家人支持!「我想好想好想,多謝我屋企人!其實我咁大個人,都係同屋企人一齊住,每一日都係阿媽叫我起身。我唔可以唔同我屋企人一齊住。我覺得一個人,最緊要有一家人嘅支持。就等如我哋香港電影,一定要我哋所有香港人支持,我哋先可以將香港電影再做得更加好。」

絕頂孝順仔 最鍾意同父母遊埠

古天樂向來低調,外界對其私生活了解甚少,只知道佢鍾意買玩具。其實佢唔駛拍戲,一有時間就會同父母一齊去旅行。

舊年聖誕,佢就趁機帶父母到芬蘭睇北極光。仲話自己細個一直夢想可以去芬蘭聖誕老人村,仲話芬蘭係個唔錯嘅旅行目的地,亦因為有聖誕老人村及有機會欣賞到北極光,所以適合帶同老人家一起遊覽。咁貼心,又咁為老人家設想,「最孝順影帝」,非佢莫屬啦!

低調慈善家

古天樂因2008年目睹汶川地震摧毀咗好多人嘅家園,先決定成立「古天樂慈善基金」,幫助有需要嘅人,佢仲出錢又出力,私下經常跟進同了解興建學校慨進度,確保唔會出現豆腐渣工程。

古天樂
古天樂
古天樂在內地興建咗近百間小學,學校遍及廣西、甘肅、貴州與四川等地。

曾幫「大佬B」還巨債

除咗低調做善事,古天樂喺圈中仲幫助過唔少人度過難關,「大佬B」吳志雄曾經公開感謝古天樂喺佢最困難時支持佢,據知「大佬B」喺1999年投資失利,蝕咗近億元,古天樂因為喺未紅時曾受過「大佬B」恩惠,所以幫佢還清巨債。此外,仲有指古天樂為感謝《陰陽路》監製南燕多年前嘅賞識,當對方患病時,一直喺經濟上支持對方,仲會久不久包機票、酒店請南燕一家去旅行。有傳古仔仲一直照顧前度女友黃𨥈瑩,每月都有畀生活費對方。

吳志雄 古天樂
吳志雄 古天樂
「大佬B」吳志雄曾公闕感謝古天樂喺佢最困難時支持佢。

下一頁上海工作 胡杏兒泵定母乳帶回家 網民擔心會被安檢沒收

下一頁母乳媽媽一手一腳湊B 胡杏兒產後生活甜到漏

延伸閱讀:

【2018復活節活動】送25盒森林家族公仔

關注我們Facebook專頁
    相關新聞
      更多瀏覽