吳岱融吹雞 Bobby大宇義不容辭
2018年03月14日03:00
左起:歐陽震華、郭政鴻、陶大宇、張兆輝、吳岱融、廖俊雄、鬼塚一起灌錄國語歌《我的朋友不簡單》。

【星島日報報道】吳岱融集合多年好友陶大宇、歐陽震華(Bobby)、廖俊雄、鬼塚及郭政鴻合唱國語歌《我的朋友不簡單》,他笑謂跟眾人是以前一起拍戲、吃飯又傾偈的多年好友。最搞笑廖俊雄竟然謂:「咁第日扶靈都係呢幾個。」

吳岱融請來多年好友陶大宇、歐陽震華(Bobby)、廖俊雄、鬼塚及郭政鴻合唱他有份填詞的國語歌《我的朋友不簡單》,並將於7月推出。昨日眾人聚首一堂錄歌時,鬼塚更手持酒杯,但他們笑指是開聲茶。

吳岱融坦言跟他們是以前一起拍戲、吃飯同傾偈的多年好朋友,亦多謝大家前來。在旁的廖俊雄搞笑謂:「咁第日扶靈都係呢幾個!」

相隔廿多年再度出歌的吳岱融,坦言自己一人不夠,所以叫埋一班好兄弟出來合唱,又指復出唱歌後,自己已經有4首歌曲,而此曲只想講內心感受,今次跟兄弟們的世紀之會,每人平均用了20多分鐘錄歌,更謂大家多年無見,各人也為口奔馳,不過太太鍾淑慧今次統籌聯絡各人,豈料大家1小時內已回覆答應無問題。他說:「真心話,當時有淚光。」在旁的Bobby聞言即說:「其實個個無野做,根本日日都得,聽日又得,後日又得。」Bobby笑言為了今次錄歌好認真,監製很喜歡他把低音聲,所以就用這把聲去錄歌。

至於可有興趣出碟?吳岱融說:「唔知老闆點諗!」而參加新秀歌唱比賽出身的郭政鴻,笑言自己雖則是習武之人,但骨子里是一個歌手。

對於今次合唱歌曲,廖俊雄笑言當吳岱融叫他唱歌,搞到他幾晚睡不着,而且為了背歌詞用了十幾日。陶大宇則謂今次成功合唱,大讚吳岱融太太鍾淑慧功不可沒,因為整件事由對方統籌。

張兆輝表示跟吳岱融是多年的好朋友,當年合作劇集《邊城浪子》,更笑謂屈指一數就知幾多年,亦好少機會聚埋一起,而且有好多回憶。

鬼塚透露跟吳岱融於80年代時認識,因為當時借出屋企拍戲,又笑謂當時見到對方好靚仔,所以就算患上感冒也出來。

關注我們Facebook專頁
    相關新聞
      更多瀏覽