古天樂開金口唱〈男朋友〉 拒再做歌手
2018年03月13日16:25

古天樂日前出席香港電影工作者總會春茗晚宴,仲上台獻唱咗佢自己嘅首本名曲〈男朋友〉,不過問到古仔會唔會再挑戰吓音樂方面嘅工作,古仔就好堅決咁話唔會:「因為做起嚟會痴線!」

撰文:東方新地|圖片:新傳媒圖片庫、古天樂FB

延伸閱讀:

楊千嬅《多功能老婆》同黃浩然再合作 盤點8套千嬅無綫劇

肥仔歌手變大隻佬 地獄式減肥成功

古天樂 幫助演藝界前輩

當晚除咗身為演藝人協會會嘅長古天樂,仲有任賢齊、林家棟、姜皓文、溫碧霞、鄧麗欣、方力申、王君馨等藝人出席晚宴,古天樂透露自擔任會長一職後,進行緊好多唔同嘅計劃,仲見咗好多影視、音樂、話劇等唔同界別嘅人士,佢話希望個會可以更加年輕化,同埋推動多啲幕後嘅創作發展:「不過最重要都係想做啲醫療方面嘅嘢,因為有一啲年紀大嘅前輩都好需要呢方面嘅幫助,但要半年時間去實行。而音樂同電影方面仲喺了解當中,要一步一步推出新嘅方案,希望幫助到更多演藝界人士。」

古天樂
古天樂
古天樂指最近正著手尋找番一啲失去聯絡嘅會員。
古天樂
古天樂
古天樂話希望對年紀大嘅演藝界前輩提供更多醫療方面嘅援助。

金像獎要睇評審

講到今屆金像獎有份憑《殺破狼·貪狼》競逐最佳男主角,古天樂話今次係拍戲以來打得最多嘅一次,但佢話打得多未必有幫助,入圍已經係一個肯定:「因為要做嘅嘢都已經做咗,其他嘅嘢就要睇評審。」

古天樂
古天樂
席間古天樂同「女兒」Hana合照,對於爭影帝佢話會抱平常心。
古天樂
古天樂
仲有王梓軒、王君馨同方力申等,都有同古天樂一齊合照。

尷尬唱〈男朋友〉

原本喺晚宴上由J.Arie、小肥、王梓軒等擔任表演嘉賓,獻唱〈月亮代表我的心〉,點知唱到中段,王梓軒忽然話:「古會長喺邊呀?呢首歌係佢唱㗎噃,歡迎呢首歌嘅原唱,古生!」古生都好畀面咁上台,打算開金口唱歌,但當佢上到台,音樂一轉,竟然變咗佢首經典歌〈男朋友〉,搞到一啲準備都冇嘅古仔滿面尷尬,但最後都係敵唔過群眾壓力,開口唱咗兩句,令全場high爆!

喺古天樂唱完兩句後,王梓軒仲想同古仔give me five,不過古仔唔知係堅睇唔到定係唔想理佢,王梓軒惟有尷尬放低番隻手!

做歌手會痴線

雖然肯開金口唱歌,但問古仔會唔會再挑戰吓音樂方面嘅工作,古仔就好堅決咁話唔會:「因為唔想做咁多嘢,就算係慈善嘅音樂,做起嚟都會痴線!」

古天樂
古天樂
唱完歌J. Arie蹺實古天樂嘅臂彎,笑到見牙唔見眼,冧到爆!
古天樂
古天樂
J, Arie話自己「完全豁出去,唔知死字點寫」網友就笑指喺古天樂眼中見到「一絲嘅憤怒」!
任賢齊 古天樂
任賢齊 古天樂
任賢齊喺晚宴上話睇好古天樂今年可以憑《殺破狼·貪狼》攞影帝:「佢見到個屍袋嗰幕真係做得好好!」
姜皓文 林家棟 古天樂
姜皓文 林家棟 古天樂
身為演協副會長嘅林家棟亦憑《殺破狼·貪狼》入圍金像獎最佳男配角,佢話攞獎嘅機會係一半半,又大讚對手秦沛同倉田保昭都係強敵。

姚子羚認分訊 胡說八道姊妹陪療傷

0
0

黎明新寵曝光 直擊女助手返黎宅

延伸閱讀:

陳煒44歲凍齡有術 公開保養心得

關注我們Facebook專頁
    相關新聞
      更多瀏覽