【中國|廣州。廣州文青深度小旅行!day 1】
2018年02月24日01:27

如果你仲係覺得去廣州,仲係去緊長隆動物園同睇黃花崗,你思想未未太于腐喇!廣州文青打卡地方超多,地方大又唔會人山人海,餐廳製作亦五花八門,真係超多選擇!平均消費比香港平,絕對係窮L、學生突然黎個小旅行既好去處!

第一站:入住文青旅館!

搭左2個鐘直通車,要盡快去旅館安頓好,然後就可以開始行程!小編今次推薦呢間廣州Magic Place民宿同未象,前者係一間精品民宿,價錢又平又方便,就係火車站附近,打住溫馨柔和風格;而未象話佢係民宿,不過話佢係茶館,去到佢地茶道主題房,點一爐香,泡一壺茶,就算冇排行程都可以hea 一朝!

廣州Magic Place民宿

▲客房同common area都經過精心設計,原木家居風佈置溫馨,空間十分寬敞,令人有種賓至如歸的感覺

廣州Magic Place民宿

地址:廣州天河區林和中路林和村小區5棟3902房

訂房資訊:https://goo.gl/JyU1Y2

未象

未象呢間民宿位於廣州最繁華CBD中心,輕易地將整座城市的風景收進你窗前。日間可以係大廳可飲茶傾計,陽台外景色盡顯廣州綠色,而夜間則係包括廣州塔既優美夜色。

▲超大客廳,更似一間Muji風精美茶室。有唔少人睇中這裡交通便利,安靜敞亮的特點,在這裡舉辦小型展覽。

▲40/F景觀非常開揚

未象

地址:天河區珠江新城馬場路28號富力公園

訂房資訊:https://goo.gl/PRg6wM

第二站:全國瘋魔!紅到爆抹茶甜品店!

「初代」第一間店開在西安,古稱長安。取名初代,就是為了守護自唐朝時期本誕生於中國抹茶風味!呢度蛋糕到雪糕全是抹茶,唔怪得全國抹茶控都衝過黎打卡!在用料方面,初代十分有講究,選用日本京都宇治的丸久小山園系列抹茶作為原料,係所有甜品核心。

▲抹茶千層(¥28)製作過程好簡單,不過就好考功夫,層數多層到沒法數,口感細膩,千層皮同cream都係滿滿濃郁抹茶味;抹茶大福 (¥22)薄透糯米皮包裹美味抹茶餡令人一試難忘;宇治金時綠海(¥35)鬆軟的抹茶蛋糕、晶瑩透綠的生茶啫喱、以及冰爽的抹茶雪糕球,加上紅豆蓉的點綴。

初代抹茶甜品(天河城總店)

地址: 天河南一路44號102六運小區底商(天河城南門,天環廣場對面)

電話: 020-89286003

營業時間: 週一至週五 10:30-22:30 週六,週日 10:00-22:30

第三站:必拍貨櫃打卡天地

「紅專廠」前身係廣州鷹金錢食品廠,區內現在仍保留着幾十座大小不一的舊建築,廠房的結構空曠開闊,很適合改成LOFT辦公空間。如今,老廠房已經人去樓空,而新藝術空間已經有了幾分雅致的面貌。

▲每一個角落都充滿文青氣色,微調一下角度,又係一張ig呃like相。小編至愛車站那佈局和上海灘裡有異曲同工之妙;車廂是木頭做的,彷彿置身於20.30年代,上海車站還有古老時鐘,感覺可以拍電影了。呢度有幾間特色cafe,打卡影相得有點累,正好休息一下!

紅磚廠創意園

地址: 中國廣東省廣州市天河區員村四橫路128號

電話:+86 20 6631 9930

營業時間: 10:30–21:00

交通:最方便線路是從地鐵5號線員村B出口出來,出地鐵的電梯你會看到你視線前方有條小路,一直沿著這條小路走,你就會看到一個用圍牆圍起來的工廠。這個就是紅磚廠,工廠旁邊都會有明確標識的。

第四站:真文青至愛!24小時不夜書店!

1200 bookshop可以飲咖啡、可以吃下午茶、甚至可以過夜,呢度搵唔到武俠小說同成功學暢銷書。這是書店老闆最傲嬌堅持! 堅持「白天是生意,晚上才是態度和溫情」該書店不但是廣州首間24小時營業書店,而且該書店居然免費有提供couchsurfing (沙發客),不過就要預早申請!

▲1200bookshop不打烊書店,目前持續營運有四個店,每一個分店都因爲所在區位特型人口不同,而有不同型態的設定,選書路數不同、主題空間策劃不同,但都有些共通的設計語彙或家具風格。

1200bookshop

e-mail申請成為背包客: 1200bookshop@sina.com

地址: 廣州市體育東路27號 (地鐵1、3號線體育西路站)

電話: 18665624241

文字來源:香港人歎世界/圖片來源 :jessicajunli、mrcuriosity0111、chakwah_q、kitkitkitwu、thatboystory

======================================================================相關文章:

【中國|深圳。2日1夜!小資情侶深圳小旅行提案!day 1】

【中國|深圳。2日1夜!小資情侶深圳小旅行提案!day 2】

關注我們Facebook專頁
    相關新聞
      更多瀏覽