【#神奇小子】做完激光手術之後要長抖
2018年02月14日17:24
0
0

神奇小子 又名負碌俊

早兩個星期「神奇小子」傅家俊upload咗一段自拍片,內容係話球季開始無耐佢已經覺得左眼有唔妥,視線突然出現百幾二百粒黑點,其後醫生證實係左眼視網膜退化,會有視網膜脫落嘅風險,而為免病情惡化佢已經接受咗激光手術,需要一段時間抖抖,病情好轉後會盡快復出,叫大家唔洗擔心。早係1月份傅家俊遠赴英國參加桌球三大滿貫之一嘅倫敦桌球大師賽嘅時候已經有眼疾,第一圈俾世界名將奧蘇利雲橫掃6 - 0出局,一方面係人地狀態大勇,另一方面原來神奇小子一路都有苦自己知,有事自己撐住,可見佢對桌球嘅熱情經過20年,從未動搖改變。

傅家俊接受完手術對外公布病情

7a2f970cc9e18a0d8a13135bb2649f3c
7a2f970cc9e18a0d8a13135bb2649f3c

早係1993年,得15歲嘅傅家俊就已經做出咗century break (一桿破百)! 1996年,經時任桌球總會主席遊說成功,傅家俊由加拿大回流香港開展桌球之路,隨即贏咗香港桌球公開賽冠軍,神奇小子綽號就係咁誕生,一叫就22年。2年後,神奇小子轉打職業賽立即打入世界桌球公開賽決賽,係第一個打入決賽嘅香港選手,為職業生涯開咗個好頭。2003年,佢贏咗英國超級桌球聯賽冠軍,係首位非英倫三島嘅冠軍球手,亦係個人第一個職業賽冠軍!

神奇小子個人第一個里程碑

Passion Marketing
Passion Marketing

隨後神奇小子係職業賽場上大大小小比賽都有斬鑊,贏過世界桌球公開賽、蘇格蘭桌球公開賽、澳洲哥德菲爾德桌球公開賽、格蘭披治桌球賽等等,亦擊敗過超級名將如提及過嘅奧蘇利雲,世界排名都因而節節上升,經常名列世界頭10,最高上過第6位,躋身世界級桌球好手之列。

於大賽中奪冠捧盃

scmp
scmp

除左排名之外,桌球仲有其他個人成就,而且比起冠軍可能更加矜貴,就係一Cue 147。傅家俊至今打過4次,佢透露最難忘、最有意義嘅一次就係2015倫敦大師賽第一圈同Bingham交鋒時做出,因為呢個大師賽無論規模大,歷史悠久而且只有世界排名頭16名選手先可以參加,對手質素之高所以別具意義,佢成為史上第3個係呢個賽事中完成147嘅人,打出一刻全場2000多個觀眾站立為神奇小子歡呼喝采,充滿紀念價值、充滿光榮之餘亦充滿喜悅。除147之外,century break亦係一個里程碑,神奇小子至今做出過470次,都相當之多,相信呢兩個數字並唔會就此停止,會繼續加上去。

sportinglife
sportinglife

呢位香港一哥專心篤波之餘都會抽時間貢獻社會,參與慈善活動。佢曾經同香港失明人協進會合作,以「一桿過百慈善行動」籌款,每做出一次century break就會以個人名義捐款,資助協會同其他視障人士。佢又參與過公益桌球課活動,只要有心人捐$100,就可以同負碌俊偷師,學習桌球枱上負碌大法,籌到嘅善款用黎幫助自閉兒童。

J-dkN
J-dkN

傅家俊估計今次眼疾同打桌球有關,因為自己篤波個主視力集中係左眼。一個低調而有心嘅運動員被病魔揀中,佢安然樂觀面對,啱啱接受完手術之後嘅一段時間會留係香港休養。Marco話好後悔參加大師賽令到身體功能受損,所以會做個乖乖仔咁話。我地就祝負碌俊可以負負碌碌過呢個難關,早日重出桌球江湖!

afa513f0-e916-11e6-925a-a992a025ddf7_1280x720
afa513f0-e916-11e6-925a-a992a025ddf7_1280x720

(image source: scmp, passionmarketing, sportinglife)

(2)

這篇文章 【#神奇小子】做完激光手術之後要長抖 最早出現於 MENTALK 有班男人

關注我們Facebook專頁
    相關新聞
      更多瀏覽