租借韓服6個重點 | 新年遊首爾 | 帶女朋友去著韓服
2018年02月12日18:23

有冇朋友仔農曆新年假會去首爾?韓國人習慣穿上韓服回鄉跟喜迎親友,市面上好多舖頭都會關門,所以呢段時間去首爾,shopping掃貨真係有啲困難,倒不如入鄉隨俗,穿韓服去觀光啦!今次綜合過往中伏經驗,同大家講講租借韓服的6個重點!

Text: A君的泡菜日誌| Photo: 新傳媒資料庫

延伸閱讀:

罪案率極高!韓國3大危險地區|首爾地鐵2號線、旅客常到景點都有份!

閨密2人同遊 抵過廉航!$1,080平飛大阪、東京、首爾|港航全新日韓通套票

01 | 想揀心水款?記得早30分鐘到場!

韓服設計華麗,款式真係超級多,不過真係有好多遊客去租借,試過星期二去依然全場爆滿,勁誇張!記得當日為了租借港女最愛的粉紅色款,全世界早15分鐘到達韓服店,點知竟然開咗門,舖內仲要勁多人,人潮誇張過名牌店1折開倉!

租借韓服
租借韓服
晨早就超多人,啲靚款已經被人揀晒喇!

快快手衝入去搵粉紅色款,可惜已經全部租出,任務失敗!問過店員,原來好多客人都早30分鐘到店外排隊,為的就是搶頭位揀選心水款,尤其粉紅色真係最搶手,所以各位男朋友唔想身邊果位扁哂嘴,記得要早啲去排隊!

租借韓服
租借韓服
又有另一位人兄帶女友著韓服,仲要情侶裝,祝你好運!

02 | 完全唔識穿著?叫韓妹幫手!

舖入面只有 3 個更衣室,如果唔想等更衣室,打定底可以直接換就最方便!不過講真,韓服設計勁闊又多層次,所以第一次著真係完全搞唔掂!場中見到好多遊客都好怕醜,唔敢出聲問人,而店員又超忙,最後只能馬虎穿著!

租借韓服
租借韓服

其實綁腰帶、紮胸口蝴蝶結等都非常考工夫,試過出聲問韓妹客人想叫佢哋幫幫手,佢哋知我哋係遊客竟然立即應承,仲幫手set頭,簡直係救星!

租借韓服
租借韓服
所以自己搞唔掂而店員又忙緊時,試下叫在場的韓妹客人幫手吧!
租借韓服
租借韓服
部分租借韓服的店舖都提供「梳化」服務。

韓服服結有特定綁法,綁錯的話會被韓國人眼望望,最好由店員代勞。

租借韓服
租借韓服
韓服有傳統的打結手法,唔識就記得搵職員幫手,千祈咪亂整個蝴蝶結呀!

03 | 冬天著韓服,記得要保暖!

1、2月出發首爾,天氣多數接近零度,韓服布料勁薄,當然唔夠保暖吧!咁究竟要點穿著呢?韓服裙襬超級闊,完全睇唔到你在裙襬內穿了甚麼,所以盡情著吧!建議著leggings+絲襪要多加一條牛仔褲,咁就唔怕裙襬入風會好凍,一定夠暖!

租借韓服
租借韓服
個人建議長袖heat-tech+衛衣已經夠,反而穿好韓服後再穿上防風羽絨外套,去到景點影相先除衫,雖然較麻煩,但室外夠暖,入室內又唔怕太熱!

04 | 咪貪靚著高踭!波鞋先夠舒服!

剛剛講過韓服裙襬又長又闊,令不少女士為了令雙腳更顯長,會貪靚著高踭。但事後通常都會會勁抱怨:「真係超級辛苦!」因為搵靚景點行路行勁耐,又要行沙地、泥路等,真係好麻煩,而且綁鞋帶要遞高隻腳,絕對係攞苦嚟辛!

租借韓服
租借韓服
雖然著韓服唔似和服,但行得咁辛苦,建議唔好著高踭鞋。

所以大家咪挑戰,著波鞋一定最穩陣,想雙腳更顯長?揀厚底platform款吧!

租借韓服
租借韓服
著住韓服+高踭鞋周圍走真係唔多方便。

05 | 入化妝店購物順便補補妝!

著住韓服周圍行街影相,個妝真係好容易溶!為咗唔好辛苦公主大人,我提議去化妝品店試妝仲方便!行多兩步真係有間舖,當然要試試成唔成功啦!

租借韓服
租借韓服

一入到店,韓仔化妝師立即上前招呼,睇完妝物後,多口問佢著韓服行化妝品店係咪好怪?韓仔話原來好普遍,仲即刻幫手化個新妝,話粉橙色胭脂同唇膏先襯粉藍色韓服。

租借韓服
租借韓服
韓仔化妝師幫手補妝外,仲教路粉橙唇膏先襯韓服!
租借韓服
租借韓服
事後更要求自拍合照,咁好服務,另一半當然失控狂買,原來哄女仔都可以好簡單……

06 | 著韓服行街好尷尬?完全冇問題!

著韓服行街以為會有好多人投以奇怪目光,結果係完全冇人理!其實韓國人非常習慣旅客著韓服周圍去,所以唔好再驚尷尬,剩係去景福宮、北村等景點,著住去弘大行街都唔怕!

租借韓服
租借韓服
以為搭地鐵會好尷尬被人望?錯!就算坐低都完全冇人理,小朋友繼續打機……

好多oppa都話好少見女仔會著住韓服行弘大,不過佢哋都覺得女仔著韓服時特別吸引,甚至會有oppa 上前抄牌!所以奉獻各位男朋友,唔想honey 被韓仔評頭品足,就真係「千祈唔好帶女朋友去首爾著韓服」喇!

租借韓服
租借韓服
左邊oppa:「 好少女仔會著韓服行弘大,所以覺得好特別,路過見到一定會望望!」 右邊oppa:「 好多朋友仔著韓服都會去三清洞、北村等傳統地方,喺弘大街頭見到真係好特別!」

著韓服行街太怕醜?實情是當地人完全唔會理你。但如果掃街就要小心啦!原來好少人會著住韓服企街邊食嘢,因為怕整污糟件衫要賠錢!

租借韓服
租借韓服
肚餓就完全唔會理人目光,粗魯狂食,真喺要隨時準備紙巾阻擋滴下的醬汁呀!
租借韓服
租借韓服
最後老闆又要合照,證明著韓服企街邊食嘢,實在太騎呢!

下一頁:現場直擊!首爾仁川機場第2航廈|15項新設施+旅客注意事項!

相關閱讀:盤點 8 大首爾汗蒸幕 | 血拼後治癒疲勞!

延伸閱讀:

旅行生病 8個自醫小妙招

關注我們Facebook專頁
    相關新聞
      更多瀏覽