DIY教材激發創意 梁詠琪為女鋪路入瑪利諾
2018年02月05日18:46

結婚六年、囡囡Sofia都就快三歲,話就話想再生,不過《好時辰》巡唱載譽加碼5月開part 2、拍緊關錦鵬新戲《八個女人一台戲》、工作安排一個接一個,梁詠琪說好的追多個計劃遙遙無期又要擱置。

其實工作再忙都只是兼職,真正霸佔GiGi心神,就是全力培養寶貝女Sofia,希望「女承母業」催谷囡囡入讀母校瑪利諾。閱讀、勞作、繪畫仲要上山落田活動教學樣樣親自上陣,生二胎睇怕要等到Sofia成功入學至有機成事!

撰文:東方新地

圖片:新傳媒圖片庫

延伸閱讀:

官恩娜晒囡囡沙龍照 瞇眼微笑超療癒

攜大仔出席活動 鄭麗莎:佢開始跟我做運動

梁詠琪 多元催谷寶貝女

小朋友入學,有得揀梗係揀名校。除了歷史悠久、校風純樸、成績優越同埋講個名出嚟都威啲外,對不少原校畢業家長來說,子女可以入讀自己母校亦係一種情意結。眨下眼,梁詠琪女兒Sofia今個月底就滿三歲,亦係時候為入小學鋪定路,據知情人士透露,雖然丈夫Sergio是西班牙籍、Sofia從小就用英文與父母溝通,GiGi卻沒有打算讓Sofia入讀國際學校。反而因為自己從瑪利諾修院學校畢業,一心希望囡囡都做埋師妹,可以接受傳統本地名校教育。

梁詠琪
梁詠琪
結婚六年、囡囡Sofia就快三歲大,梁詠琪為忙女兒能成功入讀母校瑪利諾修院學校暫時擱置追多個計劃。
梁詠琪
梁詠琪
一家三口樂也融融,多得老公Sergio識做,在女兒就學問題上一切交畀老婆GiGi話事。
梁詠琪
梁詠琪
雖然事業心重,但囡囡出世後,GiGi亦刻意減產,將大部分時間留給愛女。

全天候培育

Sofia係獨女,再加上媽媽曾經就讀係校友,分數夠廿分,想Sofia入瑪利諾可以說已經是十拿九穩,但係依家競爭大,校友都爭崩頭,所以Sofia開始認字、夠大入幼稚園,GiGi親力親為陪玩陪學並非谷識字計數,反而係多元發展,希望Sofia從玩樂中學會思考發揮創意。當其他星媽送仔女去playgroup、幼稚園,借別人之手教女時,一樣要開戲開演唱會的GiGi盡量陪在Sofia身邊,一收工一有時間即撲回家陪女。從其個人IG可見,GiGi會陪女整糕餅麵包、讀故事畫畫、廢物利用DIY勞作、還會經常母女陣去圖書館打躉,費盡心神揀有意義圖書同囡囡一齊閱讀。兩母女最新最愛書籍就相當有意義,是女性教育活動家兼諾貝爾和平獎得主馬拉拉的繪本。

梁詠琪
梁詠琪
就算要忙拍戲又要忙四月開騷,GiGi話應承過Sofia要整曲奇,所以幾忙都要講到做到,在囡囡面前做個好榜樣。
梁詠琪
梁詠琪
經常陪Sofia去圖書館睇書,GiGi揀畀囡囡的圖書都好有意義,包括呢本巴基斯坦女性活動家瑪拉拉繪本。
梁詠琪
梁詠琪
都話最好禮物就係陪伴,GiGi同Sofia一齊自製紙皮屋,又一齊入屋讀書,享受DIY樂趣。
梁詠琪
梁詠琪
無論玩具定送畀爸爸生日禮物,讀設計出身的GiGi都愛帶住囡囡一齊廢物利用 DIY,從小培養創意和環保意識。

梁詠琪
梁詠琪

梁詠琪
梁詠琪
兩公婆一齊帶Sofia去新界菜園摘菜,呼吸新鮮空氣之餘,亦教曉Sofia食物得來不易要惜食。

教養女兒話晒事

至於如何培育女兒,西班牙老公有冇話事權,據知情人士透露,兩公婆雖然恩愛如昔,不過家中大小事一向都係GiGi話事,再加上自小父母離異由母親獨立撫養,自己入學受教育亦都一直係梁媽媽一個搞掂:「始終香港係GiGi地頭,Sergio好放心交畀老婆負責、囡囡暫時都係留喺香港長大接受教育,喺邊度讀書就應該畀老婆決定。GiGi由Day 1知道係陀女,就一直有個心願囡囡可以做埋自己師妹,所以咁多年母校有活動都好有心參與,瑪利諾依家邊個校長、邊個係修女佢全部都知,又同好多校友有聯絡,就係想一直掌握住母校收生情況。GiGi 性格係咁,決定咗就唔想有意外一定要達成,所以本來諗住快快生多個,但為咗搞Sofia升小一鋪路入學啲嘢,都係遲啲至算。」

梁詠琪
梁詠琪
瑪利諾修院學校有92年歷史,除咗梁詠琪,仲有李嘉欣、林珊珊、關之琳都係校友。
梁詠琪
梁詠琪
母校但凡有活動,GiGi勢必露面,亦都同一班教職員及校友保持聯絡。

梁詠琪
梁詠琪

梁詠琪
梁詠琪
年前瑪利諾 85周年校慶,梁詠琪(左二)更加盛裝上陣,是表演嘉賓之一。

全家合體接收工

生女之後萬大事大不過湊女,GiGi雖然繼續接job開騷,不過每年只接一套電影。去年全力拍完即將上畫的電影《西遊記之女兒國》,今年就宣布參演關錦鵬導演、拍住鄭秀文、趙雅芝開拍《八個女人一台戲》,力爭可以有更多時間陪女兒成長。日前 GiGi在中環為新戲開完工,難得收工天都未黑,即趕去金鐘會合老公同囡囡,齊齊去超市買餸返屋企玩煮飯仔。有媽咪全心全意培育,Sofia精靈又乖巧,在太古廣場停車場一見媽媽雀躍萬分、拖住父母手仔開心笑跳跳紮、去到超級市場有好奇心得嚟又好聽教聽話,全程跟住媽媽 乖乖行,臨走仲好有禮貌同父母一齊同記者道別。外形標緻可愛、性格又好、仲得媽媽真傳愛閱讀又愛自己動手做勞作,品德同學術同樣出色,咩學校都實搶住收!

梁詠琪
梁詠琪
拍戲收工再會合老公同囡囡去超市買餸,GiGi自備埋購物袋身教囡囡學環保。
梁詠琪
梁詠琪
終於等到媽咪收工,仲可以一手拖一個,就快三歲的Sofia上樓梯時開心到跳跳紮。
梁詠琪
梁詠琪
多得媽媽親力親為教得好,人家小孩有「trouble 2」問題難教又失控,Sofia就全程喺超市好乖巧又聽話。

專業抗嚴寒

湊女緊要,GiGi一年只接一套戲、每日開工時間亦盡量縮短,日前她在中環為新戲開工,落到片場,GiGi一如既往好專業,當天氣溫驟降,她還是應劇情需要二話不說脫去羽絨,身上只得一套無袖穿窿薄裙,唔使天黑已經可以收工去湊女。臨走時GiGi走入雜貨店物色禮品,一見公仔攬枕就唔捨得放手,睇怕又係想入貨氹囡囡!

梁詠琪
梁詠琪
GiGi現在為湊女一年只接一套戲,每日開工時間亦盡量縮短。
梁詠琪
梁詠琪
日前GiGi在中環為新戲開工,雖然當日氣溫驟降,但落到片場,GiGi都好專業,應劇情需要二話不說就脫去羽絨,身上只著一套無袖穿窿薄裙。
梁詠琪
梁詠琪
在拍戲現場見到fans,友善GiGi好似見到朋友一樣,一臉笑容開心寒暄。
梁詠琪
梁詠琪
臨走時走入雜貨店物色禮品,GiGi一見公仔攬枕唔捨得放手,睇怕又係想入貨氹囡囡。

梁詠琪
梁詠琪

梁詠琪
梁詠琪
買完嘢臨上車時,GiGi又應fans要求影番張selfie先。

下頁梁詠琪一家過白色聖誕 囡囡無懼寒冷擲雪球

下一頁:梁詠琪 囡囡初次登台唔怯場 手拉手獻唱〈My Little Sofia〉

延伸閱讀:

首晒囝囝正面照 賴慰玲:阿仔你真係識笑?

關注我們Facebook專頁
    相關新聞
      更多瀏覽