千祈唔好… 同女朋友去AIA嘉年華 @藍橘子
2018年01月12日18:30

上星期,同女朋友豆姐去咗AIA嘉年華。仲記得上一次去AIA嘉年華已經係好多年前嘅事,今年再踏足嘉年華,真係桃花依舊面目全非。我係講緊我自己,呢鋪唔認老都唔得…

去AIA嘉年華,男友慘變「機動遊戲白老鼠」

話說女朋友有個好變態嘅癖好,就係自己唔敢玩AIA嘉年華嘅機動遊戲,會叫我自己一個上去玩,一來可以測試吓驚唔驚,二來聽我旁述玩後感當自己玩咗。

千祈唔好同女朋友去AIA嘉年華
千祈唔好同女朋友去AIA嘉年華

唔知係咪人大咗,叔叔而家受不了太刺激嘅機動遊戲,排緊隊時已經心跳加速。偶爾聽到尖叫聲好快速咁從天而降,高速掠過耳邊再彈返上半空…

千祈唔好同女朋友去AIA嘉年華
千祈唔好同女朋友去AIA嘉年華

今時唔同往日!做「勇士」要趁後生

「不如…我哋玩AIA嘉年華嘅攤位遊戲,係咪仲開心呢?」我。

「吓?點解唔玩啊?」豆姐。

「因為…我驚。」我。

「唔係嘛,你以前都唔驚玩機動遊戲嘅~」

千祈唔好同女朋友去AIA嘉年華
千祈唔好同女朋友去AIA嘉年華

老老實實,啱啱識女朋友嗰陣,有邊個男人唔會扮大膽?!回想當年無論去到邊個遊樂場,我都會玩晒所有機動遊戲。

但而家…叔叔不行了!

千祈唔好同女朋友去AIA嘉年華
千祈唔好同女朋友去AIA嘉年華

為咗唔玩可以去到幾盡…

不過我總唔能夠同女朋友講,以前只係逞強扮晒勁,於是我同佢解釋:

「即係咁,我覺得條命重要過以前好多…嗱妳諗吓,如果我有咩意外,邊個照顧妳?邊個陪妳白頭到老?!我而家出街過馬路啊,都會望左再望右再望返左,你就知我幾顧及人身安全啦!」

千祈唔好同女朋友去AIA嘉年華
千祈唔好同女朋友去AIA嘉年華
(圖片來源:周星馳電影劇照)

「你講到咁…咪去玩攤位遊戲囉。」

「係喇!咁樣大家先開心嘛!畀妳見識吓『拋波波鬼見仇』嘅厲害吖~」

千祈唔好同女朋友去AIA嘉年華
千祈唔好同女朋友去AIA嘉年華

轉戰AIA嘉年華攤位遊戲

用晒廿個金幣,幾乎咩攤位都試過,最後都只係贏到幾個細獎…順帶一提,有關機動遊戲,我同豆姐只係玩咗碰碰車!

千祈唔好同女朋友去AIA嘉年華
千祈唔好同女朋友去AIA嘉年華

唉,可能呢種係男人天性,總係鍾意喺女人面前認叻。

而女人嘅天性,即使明知佢吹牛,都總係相信身邊嗰個男人。

千祈唔好同女朋友去AIA嘉年華
千祈唔好同女朋友去AIA嘉年華

後記:馬戲團表演好刺激!

當日受邀請睇咗AIA嘉年華嘅馬戲團表演,完場後仲有得同馬戲團表演者合照,我全程睇到手心冒汗,佢哋仲要一日表演三次,真係辛苦晒。

千祈唔好同女朋友去AIA嘉年華
千祈唔好同女朋友去AIA嘉年華

千祈唔好同女朋友去AIA嘉年華
千祈唔好同女朋友去AIA嘉年華

下一頁:2017 AIA友邦歐陸嘉年華-攤位篇

下一頁:千祈唔好畀女朋友同一班女仔去旅行

下一頁:千祈唔好 ⋯⋯ 同女朋友去旅行時飲醉酒

相關文章:

10 間提供機上WiFi的航空公司、機上WiFi價格總整理 | 搭飛機都可以上網!

【日本便利店甜品】新登場!18款Lawson、FamilyMart士多啤梨甜品

凍都要試!日本便利店1-2月新品:桃味可樂、櫻花mochi雪糕、Hershey’s布甸

關注我們Facebook專頁
    相關新聞
      更多瀏覽