【出晒事】超蓮微博開Live 三太素顏look意外爆光
2018年01月12日07:00

何超蓮呢日喺微博開live同大家傾下計,點知出晒事!

超蓮喺屋企著到靚一靚開live,點知賭王三太陳婉珍就一身家居服,素顏喺度玩貓,成個素顏樣畀晒網民睇,仲聽到佢話:「你睇下你個頭,成餅嘢咁喎!」當然,佢係講緊啲貓。

之後似乎貓貓四圍走,搞到三太話:「你唔好去廁所呀,跌咗落去你就死喇!」超蓮之後就捉住其中一隻叫「芝麻」嘅貓貓上鏡。

玩完貓就到另一個出事位,就係超雲!超雲又係一身家居服,超蓮見到佢喺飯廳就大叫:「何超雲!何超雲!」超雲見到被人影緊,就下意識大叫:「唔呀,你唔好影我!」超蓮就同網民講:「她心情不好。」

睇嚟超蓮以後都唔好喺屋企開Live喇!

另外,超蓮早前同丁子高、少爺占、Donald去新西蘭皇后鎮拍攝護膚品真人騷,仲接受極限挑戰,走去爬冰川,但當地天氣惡劣,搞到超蓮爬嗰陣要大叫救命!

關注我們Facebook專頁
    相關新聞
      更多瀏覽