【係愛呀】「準蕭太」江若琳放閃 謝安琪整生日卡畀張繼聰
2018年01月12日07:00

「生煎包王」蕭潤邦日前喺社交網宣布同拍拖唔夠一年嘅江若琳求婚成功:「有福同享,有難我當!」

呢日佢兩個繼續喺日本玩,「準蕭太」喺社交網「放閃」,留言話:「無論係留言或信息我全部收到晒啦!!你哋太令我感動啦!因為我知道睇住或陪住我大嘅朋友仲開心過我 I love you all!!!!」

另外,星期四喺張繼聰生日,謝安琪仲同囝囝自製生日pop up card送畀老公:「舊年,有人話我冇送生日禮物比佢.......」

張繼聰就貼咗張囡囡相,留言話:「有位好正嘅靚女坐係我張床等我.....佢話今晚決定唔瞓覺,同我癲番晚....!」好SWEET!

關注我們Facebook專頁
    相關新聞
      更多瀏覽