【啖啖肉醉雞卷!】
2017年12月05日19:00

小店味道!

小編身為新界西人,元朗呢間hit爆小店點會未聽過佢大名呢?最聲名大噪既係呢個充滿花雕酒酒香既醉雞卷,清香味醇。而另一重點推介則係燶邊叉燒,價錢唔算平,不過佢地堅持用家用焗爐黎焗叉燒,肉質先會保持濕潤,而外層烤焗至微焦,香味十足。

▲逢星期六日小店未夠6點已經坐滿人客,由於所有餸菜都係即叫即做,店員提示等一輪可能要上1小時,所以小編當日就外賣返屋企食。蜜汁叉燒皇($68)外層烤焗至微焦,塗上一層甜甜秘製叉燒醬,由於用上家用焗爐,控制火侯得宜,於是外層焦香、內層鬆軟係叉燒一大特色。

▲呢度老闆係前廣州花園酒店大廚開既,退居後意猶未盡,係元朗開小店為街坊服務。就係因為老闆對食物質素既支持,每市只可提供到十多份叉燒,但保證每市都係新鮮出爐。

▲酒仙醉雞卷($43)同出面醉雞唔同,呢度姅自家製醃料浸24小時,再蒸熟然後泡冰水。酒味唔濃,反而有一種醇香既清新感,墊底青瓜亦吸入特製醉雞汁。

▲鹽香雞(例牌/半隻/1隻:$53/85/160)帶咸香肉質而嫩滑,好多人都會買黎斬料架!

鹵家

地址:元朗教育路81號元達樓地下6號舖

電話:2363 0355

營業時間: 星期一至日: 11:30-15:00; 18:00-21:30

文字來源:香港人.遊香港/圖片來源:thelufamily2016

相關文章:

【西環之咖啡藝術!】

【銅鑼灣扒房$188任食三文魚Häagen-Dazs】

關注我們Facebook專頁
    相關新聞
      更多瀏覽