素食新體驗
2017年11月15日17:14

感謝Green Monday既邀請,終於嚟到將軍澳中心全新營運既素食餐廳Green Common,品賞全新既素食體驗,另人大開眼界。

個人一路都認為,選擇素食係對自己健康既重視同保護大自然既態度多於宗教原因,當然每個人都可以有自己既選擇同理由,即使不是素食者,能有機會了解更多素食既好處,增加素食係烹調之中既比重亦是一件好事。

Green Monday係一間香港社會企業,致力推廣週一素食日,宣揚健康、環保、低碳的生活方式,鼓勵大眾從生活細節着手。要學習素食既好處,最直接還是先從食物既味道方面入手吧,當大家了解到素食多變既款式同滿富既味道後,食素已經不再係壓力及忍耐,而係充滿愉快同驚喜既新美食體驗。

今次既聚會非常輕鬆同愉快,除了可以了解到創辦人推廣素食既理念外,最期待既都係食物本身,如果不跟大家說明Green Common係素食餐廳,從食物外觀甚至味道上,根本同我地日常生活上食物既款式無分別,可以話係更美味同高質素,款式上甚至有香港人喜歡既麻辣口味,連我最喜歡越式湯河都一樣做到,今次聚會便嘗試了數款不同風味既素食。

港式咖哩三寶:

素魚蛋做得非常有質感,跟高質既真魚蛋非常接近,咖哩汁亦調得香濃惹味之餘,蘿蔔及雞脾菇亦都好入味

冬陰公湯:

全素既湯底突出了泰式香料應有既味道,清新得黎味道依然濃郁,鐘意飲冬陰公湯既朋友一定要黎試一試,相信大家一定會喜歡

足甘荀漢堡:

用甘荀做主材料既素扒,加入了純素芝士成份,口感及味道都很豐富,配合鬆軟既英式鬆餅, 相信會係大家既早餐之選

越南越愛(越式素牛肉湯河) : 有齊九層塔,青檸,洋蔥,指天椒粒既香料,配合充滿香茅及南薑味既清湯,只飲湯已經同傳統越式湯河無大分別,加上素牛肉質感很好,配合薑料既調味令素肉味道更加突出

未來瘋味包:

全晚既重點推介,將植物肉Beyond Burger Meat打碎後調味後再配合大量青瓜絲,放入非常香軟既中式麵包中,非常惹味同Juicy,植物肉既運用相信可以應用係大部分用肉碎做既食譜當中,誠意推介俾各位美食主廚。

Green Common除了餐廳部分外亦有非常多優質既健康食材,調味料,素肉甚至天然Skincare產品發售,相信每位喜歡美食或烹飪既達人嚟到Green Common一定非常開心及興奮。希望將來大家都能夠了解到更多素食既好處,創作出更多美味既素食分享比身邊每一個人。

地址:

將軍澳中心G05號舖(將軍澳港鐵站B出口)

原文連結:

素食新體驗

相關文章:

【食譜】酸菜魚(大夫小廚)

大夫小叫

遊走於商業與獨立自主之間,寓工作於娱樂的工作狂,喜歡接觸新事物,分享生活點滴,亦會邀請好友分享所見所聞

關注我們Facebook專頁
    相關新聞
      更多瀏覽