【監守自盜】偷 $530 斷正 賣菜阿姐遭索 18 萬賠償
2017年11月15日12:12

監守自盜的行為固然是錯,但向對方索取天價賠償又是否合理呢?日前網上流傳一段影片,一名菜檔職員被老闆揭發「穿櫃桶底」,偷取 $530 硬幣,被要求賠償 18 萬,否則報警,引起網民熱議。

事發街市為黃大仙竹園街市一個菜檔,從影片可見,當時一名女職員將黑色袋內的硬幣倒出,而老闆則點算合值 $530 元的硬幣,質問女職員:「點樣解釋先,喺你個袋度拎出嚟,點解會有依530蚊大餅,你解釋畀我聽。」老闆又指當日曾於部份硬幣劃上藍色標記,從女職員手袋倒出的硬幣中,其中兩個果然有藍色標記,涉事女職員亦於片中承認自己偷取菜檔金錢。

老闆其後指女職員自今年入職半年:「硬幣偷 500 ,紙幣我一樣當你偷 500 蚊,當你 ( 偷 ) 1,000 蚊一日,做咗半年就偷 18 萬」他又續指菜檔上月虧蝕 10 萬,質疑與女職員偷錢有關,要求對方賠償 18 萬,或是直接報警處理。

影片未有交代事件結果,不過有傳媒到事發菜檔了解情況,負責人澄清他們最後只是將涉事女員工辭退,沒有要求她賠償 18 萬和報警。負責人又指該名員工於半年前聘用,個多月前他與拍擋發現菜檔的十元硬幣大幅減少,於是暗中監察員工,翻查閉路電視後發現是相關員工所為。負責人表示眼見涉事員工年紀老邁,故沒有報警,拍片本來只是打算於行內傳閱,提醒同業,豈料最後竟流傳至網絡。

網民留言:

「阿姐偷 $ 也毫無悔意,一句道歉都無,不值得放過」

「識玩一定係先報警自守 ( 首 ) ,然後告老闆勒索,一齊坐」

「偷錢就預左架啦,報警啦」

「你捉到佢 530 ,你只可以告佢偷 530 ,你咁計十八萬叫女人賠的話即係勒索」

「我覺得老闆都係想俾個教訓佢,請員工真係講個信字......」

關注我們Facebook專頁
    相關新聞
      更多瀏覽