樂基兒為《女士復仇》獻出多個「第一次」
2017年11月14日18:28
0
0

由火火執導兼編劇最新黑色喜劇電影《女士復仇》,經過大阪亞洲電影節、台灣高雄影展後,終於回到自己地頭,殺入香港亞洲電影節「午夜狂熱」!

0
0

火火電影向來都以瘋狂見稱,繼早前釋出兩大女神鄧麗欣和周秀娜互相用粗口「問候」片段後,再次釋出樂基兒(Gaile)最新穿露腰小背心被「五花大綁」劇照。Gaile 於戲中獻出多個「第一次」,例如首次飾演Man爆的飛虎隊Madam,挑戰揸槍掃射;更要做「小四」,打生打死同大婆鄧麗欣、二奶周秀娜爭仔。其中一場重頭戲,Gaile被孫佳君綑綁床上,強迫戲中演弱智兒子的泥鯭(@Rubberband)洞房,更要禁室培育,有不少親密接觸。

0
0

0
0

對於相隔多年再次拍戲,Gaile話:「好開心同火火導演合作,更可以嘗試之前無挑戰過的片種。一開頭拍都唔知點揸槍,之後愈拍愈上手,都係一個好寶貴的經驗。」被問到導演在現場是否很惡,她笑言:「導演好nice、好smart,可能佢有鬧我,有時佢講咗啲我唔明嘅廣東話,就係鬧我掛,但總括嚟講現場佢對我都好好。」

0
0

至於被問到與Stephy、Chrissie合作的感受,Gaile話:「同Stephy之前拍過一套戲就無再見面了;Chrissie都係多年前喺活動上見過一次面。今次再見返覺得佢地都大個女咗。有時拍完一個場口睇返螢幕都覺得佢地啲表情、眼神做得好好,我自己都當上堂。」至於有性感尤物孫佳君做媽媽,泥鯭表示:「好開心可以同孫小姐合作,好記得呢場戲最後佢要狂摑我,導演叫佢真打,拍完我塊臉瘀咗幾日。」對於要扮演弱智兒子,泥鯭都準備充足:「當時拍完套戲緊接就係演唱會,但都唔理得咁多,剪咗個『瘌痢頭』,貼近返個角色。」

原文連結:

樂基兒為《女士復仇》獻出多個「第一次」

相關文章:

愛情驚喜劇《女皇撞到正》煞青 張繼聰讚周秀娜聲色藝俱全

jetsoapp

『消閒』著數優惠網 Jetsoapp.com 除了每天致力為你搜羅全港各大不同的折扣、試用、抽獎、團購等著數優惠資訊以外,還為你提供城中熱話、娛樂消閒資訊讓你隨時有話題與朋友分享。

關注我們Facebook專頁
    相關新聞
      更多瀏覽