傳羅嘉良被踢出台慶 宣萱:當年離開無線都係誠意問題
2017年11月14日20:25
宣萱覺得有誠意才合作,亦不評論羅嘉良臨時被飛一事。

【星島日報報道】任達華(華哥)和宣萱出席傳媒周年誌慶活動,宣萱表示跟友人計劃農曆新年去滑雪,一向有睇風水的她考慮到犯太歲,擔心會受傷影響工作,所以會盡量小心。談到無線取消邀請羅嘉良參與台慶,問到她可會參與無線頒獎禮?她說:「無人同我提過喎!人哋嘅事,我就唔評論,自己當年離開無線都係誠意問題,返來再拍劇跟杜之克傾合作好舒服,他是好有誠意。有誠意合作咪合作,講道理啫。(好大機會奪視后?)唔應該出席先畀個獎,獎項就隨緣啦!工作排到明年,有就開心,無就做野啦!」

另外,華哥透露參演的新片押後開拍,所以有時間陪家人,亦會視乎能否抽時間一家人到芬蘭度過白色聖誕節。他說:「去年在溫哥華滑雪,今年如果成事的話會第一次全家去芬蘭,女兒由細到大好鍾意鹿,以前細個玩公仔,睇下今年可唔可以近距離接觸鹿。」

關注我們Facebook專頁
    相關新聞
      更多瀏覽