【愛貓病危】李蘊作最後決定:跟你好好道別
2017年10月23日07:00

李蘊呢日喺網上面話,做咗一個痛苦決定,就係將病重嘅16歲愛貓「毛毛」安樂死。

李蘊嫁畀廣州金融才俊老公之後,大部分時間都喺廣州,不過早幾日佢專程趕返嚟香港,就係因為愛貓「毛毛」生命進入倒數階段:「毛毛已經瘦得緊要,只有尾巴能輕微擺動,眼睛也開始渾濁了,我們知道你即將要離開我們,所以作出了一個艱難的決定。明天,跟你好好道別。」

李蘊又回顧佢同「毛毛」咁多年嚟嘅感情:「 我哋經歷十六年春夏秋冬,記得細個抱你,畀你抓到隻腳有一條10cm嘅血痕,傷口好深好痛,而家都仲留疤。」

李蘊又話:「上個月出院醫生已經話得一兩個星期命,但到今日已經一個月,毛爺仲好努力咁生存落去,係一個好好嘅榜樣,話比我哋知做人更加唔可以咁容易放棄自己!」

唔少網友都安慰李蘊,仲有網民講番自己經歷出嚟:「我半年前都掙扎好耐,究竟帶唔帶佢去獸醫打一針,最後還是選擇讓牠自然地在牠最熟悉最有安全感的家中離開,讓牠自己走完自己的一生。」

關注我們Facebook專頁
    相關新聞
      更多瀏覽