Chilam為雀友做媒 阿Sa投訴:10年前後介紹同一人
2017年10月13日22:48
被阿Sa投訴做媒人不力,Chilam都爆阿Sa工作同打牌不同性格。

【星島日報報道】張智霖(Chilam)與蔡卓妍(阿Sa)受訪ViuTV節目《 interviu》,原來兩人常有聯絡,有共同朋友,就是打麻雀「雀友」!Chilam更曾經為阿Sa的終生大事操心,為阿Sa做媒呢,但遭阿Sa投訴:「你竟然10年前同10年後都介紹同一個人,識咗啦又來介紹…但佢都係好人嘅!」Chilam哈哈笑說:「咁你就知我手頭上貨源幾有限啦!盛女朋友多,鑽石王老五好少,如果叫我開婚姻介紹所就實唔掂!」

講到打麻雀,阿Sa更說個不停,Chilam形容阿Sa工作與麻雀檯上大大不同,說:「佢開工就趕收工,打麻雀就不停上訴!」原來他們的麻雀腳更是天王級,大爆郭富城、黎明曾一起與他倆同檯攻打四方城!

最近兩人合作電影,Chilam說電影里阿Sa是一位硬淨女子,為著實現已死未婚夫的遺願,遇到甚麼問題都會自己解決;現實生活的阿Sa同樣是會自己解決問題,說:「我是一位比較心急的人,遇到問題時我會很快想解決方法。」至於Chilam則說 : 「咪搵朋友食野打邊爐…但最後都係解決唔到問題,就返去瞓!」

關注我們Facebook專頁
    相關新聞
      更多瀏覽