BB油 の 護髮大發現,打造自然曲髮造型!
2017年10月11日13:00
0
0

細個嘅時候好中意冬天沖完涼查少少baby oil嚟滋潤皮膚,防止爆拆情況出現,但原來Baby Oil唔止可以潤膚,仲可以用來嚟護髮㗎!

Johnson’s最近推出左一支全新嘅限量版BB油,除左包裝上印左可愛嘅Hello Kitty公仔,而且仲係日本限量熱賣產品,編輯部更加發現佢竟然有十四種唔同嘅美顏用法!特別想介紹比大家嘅就係用BB油作頭部護理,可以係洗頭後滋潤頭髮、按摩頭皮、更加可以用嚟打造日系濕髮造型。原來好多日本女仔都好中意用BB油嚟保養頭髮㗎~

1. 打造近期大熱自然曲髮效果

未使用BB油前,髮尾比較散亂和乾旱。

首先把頭髮分成兩邊,向內梳去營造內彎效果。取約五毫子大小的濕髮泥(或其他頭髮造型產品),加一滴BB油,再混合起來平均塗係髮尾上。小貼士,緊記要用濕的髮泥才能與BB油混合喔~

最後輕輕用手揸一揸,令曲髮造型更明顯和持久。

左:使用前頭髮明顯較鬆散。

右:使用後髮尾更柔順及帶點光澤感,自然卷曲感更強!

用直髮夾內彎效果會更明顯喔~

2. 滋潤頭髮

洗頭後用一bump BB油塗在髮根和髮尾,再用風筒吹乾把水份鎖在髮絲裡。

3. 頭部按摩

用一bump BB油平均塗在雙手,輕輕按摩頭皮髮根位置。可以促進頭皮血液循環,令髮根更健康,打造豐營光澤的秀髮。

除左護髮之外,BB油亦都可以用嚟護膚㗎~ 當中更有多達14種美顏法大發現,係呢度簡單介紹幾種BB油嘅用法比大家啦!

面部護理:一滴洗面法,用一滴BB油加洗面乳使用, 令洗面後沒有繃緊的感覺,更可輕輕按摩臉頰作去角質用途。另外在嘴唇乾燥時可塗小許在唇上作護唇用途,加添神采。

身體護理:塗在淋巴位置上配合按摩,以促進血液循環,孕婦亦可放心使用作按摩肚皮,減少妊娠紋。用BB油按摩後,隔天早上全身也會感到十分滋潤。

足部護理:塗在腳跟上,輕易令亁燥部位得到滋潤,另外剃毛前也可使用以保護皮膚。

真係大愛呢支性價比極高嘅BB油呀!護膚護髮set頭一支搞掂晒,啱晒我呢D貪靚嘅懶人。而且拎去旅行都好方便,可以每日都用嚟解決晒全身上下嘅肌膚問題,務求用最正嘅一面去影靚相!

呢支可以一物多用嘅BB油終於登陸香港喇!而且只售$44.9咋!快D去各大萬寧、屈臣氏、7-Eleven、SaSa、Aeon、UNY、惠康分店買嚟試下啦~

#johnsonsbboil #14種美顏法 #girltalk #有班女仔

這篇文章 BB油 の 護髮大發現,打造自然曲髮造型! 最早出現於 GIRLTALK 有班女仔

關注我們Facebook專頁
    相關新聞
      更多瀏覽