【方丈份人】《老表》製作輸畀《使徒》祖藍寸爆:咁流嘅景香港先有
2017年09月24日07:00

王祖藍身兼編劇同主演嘅《老表,畢業喇!》即將播出,呢日佢仲拍咗條惡搞宣傳片,明抄《使徒行者2》!

祖藍用番角色「蔡芯」話:「我哋都係喺電視城同一般廠景一樣,搭咗幾十個不同設計嘅課室同房,咁流嘅課室同屋企嘅景,應該都真係(除咗)香港,仲有邊度會搵到呢?真係《老表,畢業喇》先有。」明串三哥喺《使徒2》宣傳片入面話套劇五千萬製作費,同專誠去泰國及深圳實景拍攝!

咁比較法《老表》又真係輸幾十條街,難怪「蔡芯」話:「務求要畀觀眾睇到一拳想打爆電視機嗰種感覺」又話:「演員方面,除咗我之外,仲有蔡少芬,Bob,欣宜、欣彤、細細粒、BabyJohn,即係我啲親生仔同我啲朋友我先用㗎咋。」

祖藍回覆傳媒時話見到《使徒》宣傳咁勁,自己都好羨慕:「《老表》小本經營,佢就好似一間連鎖店咁,我哋就係家族生意,惟有用心意同埋暖意贏啦。」

關注我們Facebook專頁
    相關新聞
      更多瀏覽