【囡囡又被鬧】吳若希大反撲 連出6個post兼起網民底
2017年09月24日07:00

吳若希生咗個女之後是非不斷,試過鬧爆擺咗囡囡Giselle正面相嘅朋友「屎忽生上腦」,又經常同網民開火,嬲到公開話:「我發誓!如果我有,我個女即刻死」搞到每次吳若希貼囡囡相,都有人狙擊佢!

似乎吳若希已經忍無可忍,星期五晚佢連出6個post,又將網民起底話:「你想出名唔通唔幫你咩?一而再而三挑釁我,做乜姐你?講咗幾次唔好攞我個女嚟玩,你係咪有病姐?鬧你咪鬧你囉使俾面你?」

之後再將網友個樣公開:「點解要set private?做乜delete 留言姐?」到第三個post連對方女友合照都出埋:「純粹問一句,我也是人,你有沒有想過如果這種欺凌事是發生在你自己身上,你是甚麼想法?」

去到第6個post,佢話:「好啦 我玩完啦!你嘅世界真係好唔公平,所以你要將唔公平發洩喺人哋身上。 我都好多謝你。等我發現呢個世界原來對我好公平。因為雖然有你呢啲人,但我身邊都有好多對我好好嘅人!」然後佢將啲起底post刪晒,話自己唔係退讓,只係希望大家識得尊重大家。

玩到咁大,睇嚟以後都唔會再有網民敢狙擊吳若希!而佢事隔一日後心情似乎都好返晒,仲同老公玩拍片!

關注我們Facebook專頁
    相關新聞
      更多瀏覽