陳豪不絕育過幾年再生 陳茵媺工作為先
2017年09月14日07:00

陳豪同陳茵媺自從生B後,甚少一齊公開亮相,呢日二人難得拍拖出席品牌活動,全程孖住對方,甜蜜滿瀉。陳豪表示要有屋企人幫手湊細路先至可以出嚟露面,又指太太茵媺已經回復狀態,要正式重投工作。

茵媺亦表示好熱愛拍戲,雖然會掛住小朋友,但係亦享受工作。至於夫妻檔拍劇就暫時唔考慮,因為唔可以兩公婆一齊去晒開工唔湊細路。被問到會唔會再造人,茵媺就話3個小朋友歲數好近,湊佢哋已經踢晒腳,目前要做吓嘢先。陳豪就冇直接回答,但係就話唔會做絕育手術,又補充話就算有都唔係而家,要遲多幾年先。

關注我們Facebook專頁
    相關新聞
      更多瀏覽