【尺度變四仔?】《超感八人組》被腰斬 美國鹹網想投資
2017年08月21日07:00

Netflix嘅劇集《超感八人組》由華高斯基(The Wachowski)姊妹炮製,講嚟自世界八個地方嘅陌生人,突然有咗精神感應,可以知道對方心中嘅秘密,題材夠新之餘仲非常大膽,甚至有同性同雜交場面!

套劇喺2015年播出,今年播完第二季後,Netflix宣佈製作一個兩小時特輯為劇集埋尾後腰斬,有消息話,《超感八人組》超高製作費,係被腰斬嘅原因之一。

不過Netflix喺聲明中話,呢兩小時唔一定係終結,似乎暗示如果反憑熱烈,《超感八人組》第三季不是夢,而華高斯基姊妹早前亦透露,已經開始寫第三季劇本。

或者見到套劇第三季仲有好多不確定性,色情網站xHamster就寫咗一封公開信俾華高斯基姊妹,話會投資第三季,而且唔計較錢,亦會畀最大嘅自由度佢哋;xHamster仲話自己瀏覽人數多過《每日郵報》同《ESPN》,可以為套劇帶嚟更多收益喎!

關注我們Facebook專頁
    相關新聞
      更多瀏覽