【返嚟喇!】龍哥「乾坤一開」重現 幫Regen驅三隻鬼
2017年08月19日07:00

杜慶龍龍哥喺大台節目《BigBoys歷險記》,憑佢freestyle咁rap住念符咒令佢一夜成名,不過大台唔識貨,腰斬龍哥,最後一集播「人在野」求生訓練,搞到網民嬲爆!

大台都算識做,抽起條片之後呢日放喺手機程式度播,之旦係太多人搶住睇,搞到網絡塞晒車,load緊都load唔到,起碼等成大半個鐘先有得睇。

不過等咁耐係值得嘅,大家終於可以見到龍哥「freestyle」驅鬼!話說呢集講到龍哥幫張惠雅驅鬼,龍哥話有3隻「妖魔鬼怪」跟住張惠雅,佢同「妖魔鬼怪」溝通:「因為當時人就委託我,我唔係多管閒事。不過我係受人所托,你記住,走你就走,唔走,你哋3個咪聯手對付我囉!」

龍哥之後起勢拍張惠雅背脊同頭頂,再次freestyle:「乾坤一開,開番晒佢,收番晒佢,調和番佢,調和番個經期。乾坤一開,三七一轉一鬆,三七氣流一轉,轉番鬆佢。八卦撞五行,五行撞八卦」rap足六、七分鐘!

龍哥之後仲話:「要跟一排呢個case。」係咪咁恐怖呀!

關注我們Facebook專頁
    相關新聞
      更多瀏覽