《 深宮計 》率先睇 馬國明 奉旨咀黃心穎
2017年07月24日13:19

無綫重頭劇《 深宮計 》日前喺尖沙咀舉行煞科宴,一班劇中演員馬浚偉、胡定欣、蕭正楠、馬國明、羅霖、米雪等以及台前幕後工作人員都有出席。胡定欣喺橫店拍 《 深宮計 》期間跟同劇新人施駿喆影貼頭照,因而傳出對方係新歡,對此定欣否認之餘仲話對方只係佢影迷,叫大家唔好亂寫。至於馬國明雖然未有同劇嘅緋聞女友黃心穎同場,但馬明受訪時話「唔介意大家叫佢(黃心穎)做我女友」,而席間播出嘅精華片段中二人有感情戲及接吻場口,睇嚟二人感情突飛猛進!

拍《 深宮計 》傳緋聞 胡定欣否認戀小鮮肉

提到胡定欣同劇中飾演侍衛嘅演員施駿喆(Jason)傳出緋聞,馬浚偉聽到後反問拍檔胡定欣:「我都企喺你身邊,點解唔係傳你同我?」胡定欣否認戀情:「冇啦!其實係喺一個宴會上,佢話佢係我fans然後合照。後來唔知點解就傳佢係是我嘅小鮮肉!」胡定欣同前緋聞男友陳展鵬合拍嘅新劇《同盟》快將推出,問到宣傳時可擔心被問及舊緋聞戀情時,佢即請傳媒手下留情,仲話如果記者唔問,佢哋就唔會尷尬!

同心穎傳緋聞 馬國明:唔介意大家叫佢做我女友!

馬國明否認跟女友黃心穎橫店開工朝夕相對好開心,馬明謂:「我係去拍戲唔係去溝女!」但唔否認二人因而加深了解:「依家知道佢鍾意食辣,我唔食辣,叫餸互相遷就,不過未去到一齊睇傢俬,如果一齊睇樓、睇傢俬,就好近(結婚)喇!」問到二人發展階段,馬國明直言不介意傳媒稱黃心穎是女友:「「我們了解緊、了解下,不過我見到有雜誌已稱呼他是我女朋友,我不會介意,不會反駁,娛樂新聞大家笑吓、開心吓囉,想多些開心的新聞。」談到心穎被影到去夜店又同男友人好close,佢話:「冇咩特別,佢仲好後生,就當幫套劇劇宣傳!」馬明又坦言自己年輕的時候也會去酒吧,只係依家比較少。

馬明同前女友胡定欣同場,二人大方合照,定欣更指馬明和心穎Sweet到爆!心穎 含淚吻馬明

馬明單拖現身,心穎因有工作而缺席煞科宴,但現場播出劇集精華片段及拍攝花絮,馬國明同黃心穎呢對緋聞情侶喺劇中有感情線,一臉病容的心穎含淚吻馬明!

蕭正楠 同黃翠如冇婚期

講到拍攝趣事,蕭正楠笑言為咗一場沖涼戲,經常去gym room操肌:「我依家有咗啲點腹肌,但有瘦咗啲,因為冇乜食飯!」談到女友黃翠如,蕭正楠話:「我哋依家感情好好,但係未計劃結婚,我覺得依家應該先做好工作,遲啲先諗結婚!」提到與曹永廉互相爆對方的出醜事,佢笑言:「如果有一日,我唔整蠱佢,佢會好唔舒服,冇計,我係佢嘅醫生,不過開玩笑當中也有支持有兄弟情嘅!」

除了馬明心穎有kiss戲,馬仔同胡定欣、蕭正楠同劉心悠都有接吻戲,而周秀娜及定欣更有出浴戲,場面香艷,而馬國明都不甘示弱,有除衫半裸淋水嘅鏡頭。

馬仔笑心悠 廣東話唔標準

馬浚偉話雖然劇中冇動作戲,但要演玩心計的戲份,搞到個腦都好攰!但今次演皇帝過足戲癮,最享受跟大班女演員同場,個個衣着性感又養眼。馬仔笑言:「娜姐(周秀娜)好多蝦碌,講古裝對白好好笑,眨眼又比平常人慢,劉心悠又講咗廣東話歪音,變咗粗口音,但佢自己唔知!」

拍完《溏心風暴2》 米雪又忙舞台劇

米雪表示這次拍攝《 深宮計 》好開心,因為同馬浚偉比較熟,每次不明劇中對白就會向佢請教。米雪又透露拍完《溏心風暴2》,剛由馬來西亞、澳門旅遊回來,嚟緊準備舞台劇演出。

全文完

相關文章:

爆肌拍網絡電影 關智斌 擺脫小鮮肉形象

入行17年出處女寫真 33歲李彩華 半裸露背搶攻書展

鎮店出山 Air Jordan 13 「History of Flight」全面上架

關注我們Facebook專頁
    相關新聞
      更多瀏覽