【即係點?】《少時2》開續集 原著兼導演:一頭霧水
2017年07月18日07:00

《我的少女時代》喺香港、台灣同韓國等地大賣,仲捧紅咗男、女主角王大陸同宋芸樺,唔少人都期待緊會唔會有續集出現!

呢日有報道指,當地片商華聯國際董事長謝國樑話,已經買咗《我的少女時代2》嘅版權,並將會開拍續集《我的少女時代宇宙》。消息傳出後,《少時》原著兼導演陳玉珊就喺facebook澄清:「《我的少女時代2》『目前都沒有徵詢過我』,因此我並不會參予任何的藝術創作,也不會加入主創團隊,故事也非『源』自我的原創。」

陳玉珊話,知道《我的少女時代》受大家歡迎佢都好開心,不過對於《少時2》開拍一事佢都一頭霧水,但佢就話依家寫緊真正嘅《少女》系列:「已經開始在劇本階段中,一定很快就會跟大家見面~請大家再等等我喔!」

最後佢再次提醒大家:「2不是我,我是珊。」

關注我們Facebook專頁
    相關新聞
      更多瀏覽