【女神級】上個月脹爆演出 步姐減磅再穿出事戰衣! 
2017年06月19日07:00

38歲嘅濱崎步日前喺橫濱舉行巡演,但有人影到佢身形脹爆,身材有如摔角選手,慘被網民冷嘲熱諷!咁多年嚟,佢一直都係「女神級」偶像,之旦係近年都不時傳出佢「脹爆」消息,雖然死忠粉絲認為係拍攝角度問題,不過呢批相流出後,依然震撼唔少網友!

估唔到相隔一個月後,步姐一連兩晚喺東京國立代代木競技繼續佢嘅巡唱第二站演出,佢再穿上當日「出事」嘅低胸戰衣時,身型明顯減磅,咩角度影落去都係咁好身材,似乎已經重返當年全盛時嘅最佳狀態!

其實步姐之前講過,佢多年嚟訓練已經搞到自己「周身傷」,膝蓋骨六年來一直惡化,2008年公佈左耳失聰後,最近右耳聽力亦開始衰退,但步姐強調自己會一直堅持落去,直至極限為止。睇嚟佢上個月畀人笑完後,呢個月積極努力,先有今日嘅狀態,果然係「女神級」偶像!

關注我們Facebook專頁
    相關新聞
      更多瀏覽