【父愛如山】點解會有父親節?
2017年06月18日01:11

唔知點解喺香港,父親節好似無母親節咁多慶祝活動,但其實爸爸對子女嘅愛,一啲都唔比媽媽少,今日我哋就一齊嚟了解下父親節嘅由來啦!

父親節喺1972年正式於美國簽署文件,成為美國永久性國定紀念日。發起父親節嘅人喺一名居於美國華盛頓州士波肯市的杜德夫人。呢位杜德夫人13歲時,媽媽因難產離世,留低6個仔女,其中包括1個新生嬰兒。而佢嘅爸爸威廉‧史馬特成為鰥夫後,並無再婚打算,一個人獨力養大6名兒女。1909年,杜德夫人爸爸離世,杜德夫人參加教會嘅母親節禮拜後,憶起自己爸爸,於是就同當時教會牧師分享,自己爸爸對佢哋兄妹姐妹所付出嘅愛,希望可以有一個類似母親節一樣,可以紀念父愛嘅節日。牧師聽到故事後亦深受感動,於是支持杜德夫人推動設立父親節。1901年,杜德夫人開始推動成立父親節的運動,係佢多番努力下,全世界第一次父親節聚會於1910年6月19日舉行,1966年,當時嘅美國總統林登·詹森宣布,將選用威廉‧史馬特先生嘅生日月份,作為當年美國父親節之月。1972年,美國總統正式簽署文件,將父親節定為美國永久性的國定紀念日,並選定每年六月嘅第三個星期日為美國的父親節。

好多人都話母愛偉大,但其實父愛都一樣,所以今個父親節,大家都要向爸爸表達感謝與敬意啦!

圖片來源:Freepr

相關內容

想追蹤更多最新最好的親子資訊?請瀏覽我們 親子頭條專頁

關注我們Facebook專頁