【馬路大鬥法】的士慢駛頂死巴士 車長舉「中指」還擊
2017年06月12日12:57

香港哋人多車多,各位司機大佬真係要互相忍讓先得,最近網上就流傳一段車 cam 影片,一部的士多次干擾巴士行車,的士司機更一度指劃巴士車長,車長則以「中指」還擊。

根據車 cam 顯示嘅時間,事發於上周五( 9 日)下午約 3 點,當時一部 2F 巴士駛至聯合道近舊軍營時,突然有一部的士駛出,喺巴士前面減速慢駛,阻礙巴士前行。其後去到歌和老街並轉入南昌街落斜時的士一直喺巴士前擾釀,當巴士直駛至石硤尾消防局附近,的士竟然喺行人過路位停車,的士司機向巴士車長指手劃腳,疑似挑釁對方,巴士車長不耐煩,先做手勢示意對方有 cam 影緊,再以「中指」還擊,擾釀大約兩分鐘後,的士終於繼續行車。

唔少網民睇完片都話的士司機阻人行車,建議報警處理,亦有人認為車 cam 影片經過剪輯,未能了解事件來龍去脈。

網上留言:

Nobby Kwok 明知有曬 cam 都要做X事。

李錫:拎去交通部

Mandy Wong:任何結怨,此片中的士蓄意報仇,乃係危險駕駛,並不是老不!有案例!

Miranda Chen:條片少左幾分鐘喎,由14:53:23到15:02:07,問題會唔會係果幾分鐘發生?

關注我們Facebook專頁
    相關新聞
      更多瀏覽