【趕住投胎?】貪快爬頭終炒車 網民:衝出嚟 X
2017年06月02日15:54

好多外國人都覺得香港嘅生活節奏好急促,咩都要鬥快,大眾市民行路都急過人。有網民喺 Facebook 群眾「香港交通突發報料區」上載一段車 cam 影片,一名心急司機「頭搖又尾擺」,遇車過車,可惜最後樂極生悲。

根據車 cam 顯示嘅日期,事件應該喺上月 26 號晚上發生,當時一部白色房車懷疑嫌先爬頭追過一位司機,之後遇到巴士埋站,白色房車司機又再洗出「看家本領」,再次切線爬頭。當大家都以為呢位司機駕駛技術咁了得,遇車過車時,反高潮嘅一幕發生啦,白色房車左轉入彎時懷疑因為太快失控,撞咗上石壆到。

唔少網民睇完片後,都嘲笑房車司機一時貪快,最後我不償失,更有人形容佢「衝出黎(嚟)X」。

網民留言:

Mars George Chu:真正衝出黎(嚟) X

Vivien Dolores:快咗一秒,但車就撞咗

CM Leung:片主唔走埋去恥笑吓佢?

Kam Wah Wat:好抄得好,應有始報。

Lobo Chan:快得有幾多呢?得不償失!仲要輸埋荷包維修費、拖車費、交警黎到可能告你不小心架駛罪,可能賠償政府攔杆維修費!如果全部計晒4、5萬冇走雞!

關注我們Facebook專頁
    相關新聞
      更多瀏覽