落雨鞋濕臭腳噏 | 7大奇招極速 乾鞋 大法
2017年05月19日18:00

最近天氣反覆,一時大雨一時天晴,真係估佢唔到!最慘出門口時天晴,返工途中卻遇上狂風暴雨!這種情況回到公司後,整對襪和鞋一定會濕得可以扭得出水。相信有經驗的人都會明白穿着一對濕襪、濕鞋一整天有多辛苦吧!現在教你7招,讓你可以在公司極速 乾鞋 ,唔怕噏到腳仔「臭崩崩」!

1) 善用報紙 塞塞塞

報紙有極強的吸濕能力,如果想極速把鞋弄乾的話,報紙絕對是你的好幫手。大家可以將鞋放置於報紙上,然後將報紙塞爆鞋內籠,最後用報紙包着鞋。當報紙濕透了,便換上新的報紙,這樣可迅速把鞋弄乾,如下圖:

2) 用乾手機 吹吹吹

相信不少公司的洗手間都設有乾手機,假如公司沒有報紙的話,那麼便可好好利用乾手機。大家可先把鞋帶解開,將「鞋舌」翻出來,再扭一扭鞋頭水份,之後在乾手機下把鞋吹乾,時間上大槪花15分鐘,筆者試過,真係試過!

3) 竹炭包 吸吸吸

竹炭可有效地吸濕及除臭,利用竹炭強大的吸濕能力,可快速地把鞋弄乾。除了可以令鞋保持乾燥外,防止細菌滋生,同時亦可將臭味除去。

4) USB小型乾鞋機 豪華乾

日本Thanko公司推出的小型乾鞋機,只要將它夾在鞋上,然後插上USB,它的發熱器便會向鞋的內部送出熱風。據說只要3小時便可將鞋吹乾,而且售價亦只需3,480yen(約港幣$239),相信每個打工仔都很想要吧。

5) 酒樽掠鞋 乾快3倍

平時大家只會將鞋靠牆放,讓水自然滴出來風乾。但其實如果將鞋插在酒樽或水樽上,鞋子垂直了,會比單靠在牆上吹乾快2-3倍。假如公司沒有任何報紙、乾手機的話,那麼可以試試這個方法,當然,更加可以雙管齊下,用報紙塞鞋加以酒樽掠乾,必定事半功倍。

2大終極方法 非常時期非常手段?!

以下終極2招乾鞋方法,真係唔建議大家用呀!除非你想冇晒同事朋友,重則有生命之憂呀!

6) 微波爐大法 叮叮叮

其實除了鞋外,濕襪也有極速幹法,如果你公司有微波爐的話,那麼你可以嘗試將襪放入微波爐叮2分鐘,這樣襪子很快便會乾。有人更指將襪放入微波爐叮,可有除臭的效果。不過會有一個後果,便是微波爐會有一陣腳臭味,衛生就更加唔使講啦!如果給同事或上司見到,輕則被打鑊或罵至狗血淋頭,重則被杯葛,真係you諗you嘞!

7) 避孕套鞋套 預防勝於治療

正所謂預防勝於治療,鞋濕了才想如何把鞋弄乾,倒不如一開始就不讓鞋吸入一滴雨水!網上就有流傳相片,以套制雨!就像預防愛滋病人一樣,想鞋乾,做人就要有一「套」。如果遇到大雨,而身上又帶着避孕套的話,那你就走運了!因為避孕套的高韌性物料可以緊貼着整對鞋,而其高度防漏特質更會令你的鞋子滴水不入!不過用過避孕套後的鞋子,鞋會滑溜溜兼有陣膠味。加上同事知你以避孕套笠鞋,一定笑足你成年!

如果你真係要試,畀個tips你:筆者親身試過,要用extra厚及大的condom,慢慢將其以陰力在鞋頭開始「劣」上去,否則很容易爛!

相關文章:

香港玩具節2017 必睇港產車仔微型城市! 玩具女設計師:「多謝巴士迷幫手還原巴士」

Swatch Skin超薄系列 教你襯出簡約個人風格

孖閨密做冗員!$50/小時 冗員俱樂部 Hea過周末|土瓜灣好去處|

關注我們Facebook專頁