【一人霸兩位】中年漢帶X光片上車拒讓坐 九巴車長報警
2017年05月19日11:26

唔知大家坐巴士地鐵嘅時候,有冇遇到啲乘客自己坐一個位,書包、手袋又「坐」一個位呢?如果唔係繁忙時間,呢種行為都可以理解嘅,但如果車廂人山人海嘅時候仲一個人霸兩個位,咁就真係唔係好講得通啦!

噚晚有網民喺社交網站「香港突發事故報料區」群組分享一段影片,夜晚 9 點半一部 270A 九巴上,有一名坐下層中年男子,佢仲將一份 X 光底片放喺隔離個位到,從影片可見,當時車廂內坐滿乘客,但呢一位中年男子一直拒絕拎開份 X 光底片,巴士車長同其他乘客都批評佢行為自私,同時勸佢讓返個位出嚟,不過呢位男子一於少理,繼續傾電話,期間更惡言相向。

根據上傳影片嘅網民所講,巴士車長最終決定報警,警察喺晚上 10 點鐘到場後,終於聲到嗰位男士落車。

關注我們Facebook專頁
    相關新聞
      更多瀏覽