銅鑼灣 食乜好│10間精選特色中、日菜 @Dining娜
2017年04月21日08:00

(Presented by Causeway Bay Plaza 2)

Photo:Him(部分)

全年頭3位最重要嘅節日,相信非母親節莫屬,各位乖仔乖女諗好點同媽咪慶祝未?食咩都好,最緊要就係預早訂枱,或者提前慶祝喇!否則到時要周圍撲位,母親大人肯定覺得你辦事不力!據我Dining娜喺不同飯局群組嘅非正式統計,最多媽咪鍾意食中菜,近年唔少中菜都加入fusion元素,睇得又食得;至於潮媽,通常最like就係日菜!等我今次來個中、日菜結集啦,全部喺晒 銅鑼灣 廣場二期超方便,無位的話,樓上樓下都可以搵食,媽咪肯定俾個like你!

和風烤肉、放題

香港人最愛食放題,潮媽當然亦唔例外,無論係任食日式烤肉、火鍋,抑或刺身、壽司等日本料理美食,都咁啱胃口,食完個個大滿足。

德家日式燒肉、德興日式放題鍋

兩間店同樣以靚牛馳名,佢地有極上牛肋肉、牛脊肉、牛舌、牛胸腹等多個牛部位供應,放題嚟講都幾巴閉。另外,無論係燒肉定shabu shabu,都有好多海鮮選擇,當然仲有刺身啦,仲好新鮮㖭!

和牛:雪花豐腴均勻,燒後好有油香,惹味度極高。

德家日式燒肉、德興日式放題鍋:6樓,電話2573 9090

羊架:肉質嫩滑,有羊味但唔算膻。

德家日式燒肉、德興日式放題鍋:6樓,電話2573 9090滿屋日本料理

呢間日式放題嘅刺身夠新鮮,食過之後發現赤蝦係首推之選,大隻之餘仲好鮮甜,其他熟食同小食選擇亦好多。最開心係呢度放題有成3粒鐘(一般只得2個零鐘咋~),可以同媽咪邊歎邊談心。

壽司、沙律、甜品:壽司種類多而且新鮮,甜品仲有macaron㖭。

滿屋日本料理:8樓,電話3622 3366

刺身:赤蝦、帶子、吞拿魚、三文魚全部都肥美鮮嫩,正!

滿屋日本料理:8樓,電話3622 3366極尚大瀛喜日本料理

除咗新鮮刺身、壽司之外,呢度最吸引食客嘅係佢嘅燒物,不論燒羊架、帶子,抑或鰻魚,統統都係人氣之選。

燒物、炸物及熟食:燒羊架、燒帶子、燒蝦夠晒香口,都係必食推介。

極尚大瀛喜日本料理:11樓,電話3188 8008、3188 8009

刺身:鮑魚、蝦、三文魚同樣新鮮又多款。

極尚大瀛喜日本料理:11樓,電話3188 8008、3188 8009潮食特色中菜

唔好以為食中菜就係老土,相反近年好多中菜都好有創意,無論賣相定食材配搭都大玩fusion,絕對可以潮住食中菜!

潮江春

雖然係潮州菜,但注入咗新派元素,以「正宗潮菜、現代演繹」為烹調理念,菜式既有創新款式,亦不乏傳統潮式美食。潮菜菜式同鹵水美食,例如好百年鹵水鵝片、潮州家鄉煎蠔烙、砂窩普寧豆醬雞、潮州黃金煎伊麵等,都係出名嘅鎮店主打美食。

砂鍋普寧豆醬雞 $288/隻、$158/半隻:將雞以潮汕名物普寧豆醬醃製後,放砂鍋煮熟,滋味無窮,食時記得要蘸埋鍋底嘅雞油同豆醬精華!

潮江春:2樓,電話3692 5050

潮州黃金煎伊麵 $98:經典潮州菜,伊麵煎得金黃香脆,點黑醋、砂糖同食,酸酸甜甜,相當開胃。

潮江春:2樓,電話3692 5050盈福28

以摩登中菜而馳名,佢地嘅創意點心更係好味、得意吸睛,兼呃like度高。食材配搭既新穎美味又健康無味精,呢度最近仲有抵食優惠:主餐牌8折、玉桂香鴿$38,一於約定下次呢度飯聚先!1人午餐只係$69起,啱晒OL喎。

玉桂香鴿 $38/隻(前)、鮑魚荷葉雞飯 $119(後):乳鴿燒得外脆內嫩,同時保留肉汁,非常滋味;荷葉雞飯加入鮑魚,頓時充滿鹹鮮香味。

盈福28:5樓,電話2319 5800

左上起,逆時針:金雞嘴嘟嘟 $49/2件、叉燒小豬嘜 $49/2件、竹炭芝士汪星人 $29/件:單睇賣相已經得意可愛,一定要手機食先!

盈福28:5樓,電話2319 5800名苑酒家

名苑擅於烹調傳統古法特色菜,同時又有不少上海菜,清宮明火雞煲翅、上海千葉滑豆腐、京川滑餃子、乾清棗皇糕等,都係經典招牌菜。呢度嘅出名以健康為主,所以尤其深得中菜食客歡迎,唔少特色菜同矜貴菜式都糅合健康元素,好似亞麻籽即燒荔枝雞、藜麥宮廷皇燒翅,都好有口碑。

清宮明火雞煲翅 $528:選用靚魚翅,湯底用金華火腿、雞腳等熬製,火喉十足,鹹鮮香味令人回味。

名苑酒家:7樓,電話2893 1038富東海鮮酒家

由「鮑魚大王」楊貫一徒弟林永春師傅主理,堅持用原汁原味、不加味精製作鮑魚,除咗扣吉品鮑魚,一道慈禧最愛嘅宮廷菜「御用鮑魚寶貝雞」亦係呢度嘅招牌菜;炒魚翅都係水準之作。林師傅經常推出新菜式,例如咖喱香草羊架、花雕蒸龍蝦都加入fusion意念;創新點心就有養生杞子卷同皇帝帶子餃。

咖喱香草羊架 $88/隻:紐西蘭羊架肉嫩多汁,加入迷迭香燒已好香口,可配自家製星加坡風味咖喱汁或吃原味,一次過試勻兩種口味。

富東海鮮酒家:10樓,電話2626 1100

花雕蒸龍蝦 $268:棄用花蟹,改用波士頓龍蝦,更加啖啖肉,蛋蒸至7成熟,食落滑嘟嘟,再吸埋花雕酒香,滋味!

富東海鮮酒家:10樓,電話2626 1100傳統經典粵菜

經常覺得粵菜係我哋嘅comfort food,煮得出色到家,簡直有食住家飯嘅感覺。

翠園

一向以傳統手工粵菜見稱,既保留昔日巧手廚藝,同時菜式創意亦與時並進。招牌名菜三味蝦球同蘭度銀杏生魚卷,都係人氣之選,風格創新,賣相非常吸引。點心方面,花膠瑤柱灌湯餃、原隻鮑魚荷葉飯、筍尖鮮蝦餃都係午市熱賣。

三味蝦球 $168:將鮮甜蝦球炮製出3種截然不同嘅風味:(左起)芒果沙律汁炸蝦球、上湯蝦球、甜酸醬炸蝦球,清新、醒胃俱備。

翠園:3樓,電話2573 9339

蘭度銀杏生魚卷 $138:生魚起肉後,跟銀杏及蔬菜同炒,魚香味道濃郁,清淡健康。

翠園:3樓,電話2573 9339太湖海鮮城

呢間太湖榮獲7屆「米芝蓮美食推介餐廳」(2009-2011年、2013-2017年),以及旅遊發展局頒發嘅「美食之最大賞」等,獲獎無數。鎮店名菜桂花梅子燒鵝皇,更由得獎師傅親自主理,燒鵝混入桂花同梅子嘅清香,風味獨特,亦唔會有油膩感。

桂花梅子燒鵝皇 $408/隻、$208/半隻:用新鮮桂花、桂花糖、梅子醬等醃鵝6個鐘,風乾後燒製,已充滿桂花、梅子嘅清香,再配桂花梅子醬同吃,甜甜酸酸,更加醒胃。

太湖海鮮城:9樓,電話2893 9882

招牌前菜四小碟(前起左至右):招牌叉燒 $88、潮式墨魚 $58、蓮藕片 $58、牛蒡海蜇 $58:主菜前必食,叉燒係鎮店名物當然要點,蓮藕片加入柚子汁、檸檬汁炮製,帶微酸;牛蒡海蜇用日式做法,清甜中帶微鹹,好啱春天食。

太湖海鮮城:9樓,電話2893 9882飯前飯後小Hea

同媽咪行完街未夠鐘食飯,又或者食完飯想飲番杯嘢,一於去Starbucks啦!呢間位於銅鑼灣廣場二期2樓,一上扶手電梯就到,非常就腳。

Starbucks

最近推出咗新口味冰涼飲品——爆谷蝴蝶圈咖啡星冰樂,將星冰樂配上兒時最鍾意嘅零食蝴蝶圈,再加上爆谷,驚喜度十足。

爆谷蝴蝶圈咖啡星冰樂 $42-50:咖啡星冰樂加上鹽味蝴蝶餅、焦糖爆谷,仲有大量cream同焦糖醬,冰涼又香甜。

Starbucks:2樓,電話2259 9375銅鑼灣廣場二期

地址:銅鑼灣駱克道463-483號(港鐵銅鑼灣站C出口)(顯示地圖)

泊車:附設停車場,B2樓設有2個中速充電裝置。

相關文章:

音樂平台4大著數低至$30/月+送 孔劉見面會 門票@Jetso文

激筍優惠 大放送 | 限量搶$999 泰國 旅遊 套票

金鐘限定! KFC 首部聲控加體感「 隔空點餐機 」

關注我們Facebook專頁
    相關新聞
      更多瀏覽