【東京新遊點】 東京迪士尼 度假區4大必玩率先曝光 @Travel佳
2017年04月21日08:00

(Presented by Tokyo Resorts)

今個夏天東京有咩新嘢玩?如果你鍾意迪迪尼,咁就要考慮埋 東京迪士尼 度假區喇,因為今年又有激新玩意!最矚目嘅一定係「海底巡遊艇」,你會好似Mo仔、Dory咁潛入水底探險,欣賞壯觀嘅海洋世界。另外3大人氣必玩,包括同海盜近距離接觸,7、8月會有電子大遊行,同埋迪士尼和風夏慶,到時肯定好有氣氛,諗好同honey定fd子去未?抑或全家出動親子遊!

12/5新登場:坐潛艇同Mo仔、Dory Say Hi

由《海底奇兵》Mo仔嘅視野睇世界、喺海洋探險會係點?坐住5月12日喺 東京迪士尼 海洋全新登場嘅「海底巡遊艇:尼莫&好友的海洋世界」就會知!搭上變成魚仔size嘅潛艇,你就會同Mo仔、Dory一齊探索Disney‧Pixar電影《海底奇兵》嘅世界!

潛艇嘅影像全部由Pixar Animation Studios《海底奇兵2:Finding Dory》原班人馬繪製,畫面靚不在話下,張櫈仲係動態座椅,會郁㗎,你會好似入咗去蔚藍世界咁,超過癮!

呢條小丑魚化身做海底巡遊艇,「游水」時佢嘅鰭同尾會好似真魚咁擺動,深入魚群,坐上去好似喺水底探險。

坐上潛艇,仲會見到Mo仔、Dory同沙沙妹!東京迪士尼 同海盜玩水

7月11日至8月31日放暑假啦!呢段時間東京迪士尼會有全新嘅特別活動:迪士尼夏日海盜世界!靈感來自迪士尼系列電影《魔盜王決戰鬼盜船》,船長會喺地中海港灣演出水花四濺、超級澎湃嘅表演,一班海盜仲會不定時出沒園區,進行街頭表演,同大家近距離接觸。到時園區會佈滿海盜裝飾,連食物都會以海盜為主題,當然亦唔少得有海盜產品賣啦。

7月11日至8月31日會有特別活動「迪士尼夏日海盜世界」,船長同一班海盜會隨時出沒街頭,同大家玩水。《Frozen》Elsa仲夏現身

無諗過夏天都會見到《Frozen》嘅Elsa同Anna?7月11日至8月31日兩位主角會有「東京迪士尼樂園電子大遊行:夢之光」,呢個遊行係2001年首度登場後,第4版本上演,陣容加強。今次唔單止有耀眼燈飾同輕快樂曲,夜間遊行仲會有《Frozen》冰晶城堡花車載住Elsa、Anna登場,另外亦增添5部全新花車,氣氛肯定好熱鬧。

《仙履奇緣》系列花車亦會煥然一新示人,灰姑娘嘅南瓜馬車、王子嘅舞會花車呢段經典故事到時將會上演。一度告別嘅《美女與野獸》花車,亦將換上LED燈重返遊行陣容,喺夜幕下畫上奪目色彩。

翻新上演嘅「東京迪士尼樂園電子大遊行:夢之光」,會有多位經典卡通主角好似Elsa、Anna、灰姑娘、美女與野獸登場。【期間限定】涼浸浸開和風夏日Party

7、8月艷陽高掛,有咩爽得過開個涼透心嘅夏日Party!7月11日至8月31日東京迪士尼會有期間限定「迪士尼和風夏慶」,為炎夏降溫。到時會有清涼水花滿天飛,個個變成超high嘅落湯雞!當然少不了好有日本慶典特色嘅表演,包括日式敲鼓,一班迪士尼人物會盡情表演,喺水花下拍掌跳舞;仲有得意嘅應節小食同產品賣,係咪好想夏天快啲到呢?

喺熱辣辣嘅炎夏去 東京迪士尼 開水上party「迪士尼和風夏慶」,諗起都覺得涼浸浸。

東京迪士尼度假區網址

(圖片只供參考)

相關文章:

音樂平台4大著數低至$30/月+送 孔劉見面會 門票@Jetso文

激筍優惠 大放送 | 限量搶$999 泰國 旅遊 套票

USJ迷你兵樂園 開幕直擊 5大注目新事

關注我們Facebook專頁