元朗鬼巴士 :滷味人龍店 荃灣開分店 $25食齊13款滷味 |荃灣食乜好|
2017年04月21日20:30

元朗鬼巴士 是元朗街坊至愛的宵夜滷水小店,出名大份又抵食,老闆陳慶航又常在電影中任臨時演員,街坊個個都認得。最近荃灣街頭見到有間鬼巴士,同樣賣生腸、牛柏葉等涼拌滷味,究竟是不是開了分店?即問問鬼巴士老闆!

撰文:Joan 攝影:Tommy

元朗鬼巴士 衝進荃灣開分店

鬼巴士元朗店晚晚排長龍(總店直擊),店主陳慶航又曾於多部電影任臨記,好多人認得。最近鬼巴士衝到市區,在荃灣開分店,雖然不是由陳慶航主理,但所有滷味均由他入貨及於工場處理,確保和元朗店一樣好味。

元朗鬼巴士的店主陳慶航,荃灣鬼巴士店雖不是由他坐鎮,但所有滷味由入貨到做滷味,都是由他親自把關,每隔幾天便會送貨到舖,確保和元朗店一樣口味。

(網上圖片)

陳老闆曾於多部電影任臨時演員,95年拍過由任達華主演的電影鬼巴士,戲份較多亦較多人認得,熟客叫多兩叫,便索性把鬼巴士成了店名。

認着載滿鬼怪的鬼巴士和陳慶航的漫畫公仔,便知店舖是由陳老闆所開,不是冒牌貨!

有咩食?13款滷味必食生腸 牛柏葉

荃灣店滷味有13款,開業初期可每串散叫,識食的一定點雜錦,可吃盡所有滷味。陳老闆說招牌是生腸和柏葉,生腸洗得乾淨,腸皮煙韌無內臟味;牛柏葉爽脆,配上黑麻油和秘製羅漢果豉油,拌勻後入口帶甜甜果香,滿足!而陳老闆亦說若把滷味和黑麻油雪過夜,第二日再加入羅漢果豉油,會更好吃!

13款滷味小食整齊排在雪櫃內,可逐串或雜錦下單。

橙腸、脆腸、反腸 (開張優惠)各$5

開店初期可每串散叫,生腸是必食!橙腸和脆腸食其香和脆,而洗腸工序中,反腸是三款生腸中最花時間的,食落超爽口,全無內臟味。而且夠凍,好滋味。

大雜錦 $50 (開張優惠堂食按碟減$5)

記者私心推介!有齊3款生腸、牛柏葉、紅腸、扎肉,和滷水的牛柏葉、豬頭肉、豬脷、豬耳、豬心、鴨腎、火雞腎共13款滷味,新鮮爽口。每碟都淋上秘製羅滿果豉油和黑麻油,食時記着拌勻醬汁,超好食!另附芥末和甜醬。

小雜錦 $25 (開張優惠堂食按碟減$5)

另有一人份小雜錦,一定一定要加陳老闆自己調製的羅滿果豉油,無落糖,豉油中的甜味全來自磨粉和曬乾後的羅漢果。而且雪凍後質地較稠,不易溢出,外賣會裝在小盒讓客人帶走,好細心。

陳老闆和荃灣店負責人阿東因合作而認識,阿東早前跟陳老闆到屯門工場打點,晚上又跟過他到元朗開檔,切法、落醬汁等都跟足做法。

元朗鬼巴士(荃灣店)

地址:荃灣荃興徑31號地下4A號舖(顯示地圖)

電話:從缺

營業時間:星期一至日 4pm-12am

相關文章:

【藍橘子】《外國人覺得香港人 飲食文化 低一等?》

元朗 掃食4間小店! M&M’s芝士雞蛋仔+即焗燶邊叉燒蛋飯|掃街王|

ICAC 開放日!約朋友上去飲杯「廉署咖啡」

關注我們Facebook專頁
    相關新聞
      更多瀏覽